媽咪及BB用品

星期三同左姊妹Jennifer去左買嬰兒用品，開頭諗住樓上舖會平d，但原來都係差唔多價錢，可能相差都係十元八塊，個度既野都幾齊既，好多樣都有8折，可以唔使週圍行都可以買齊bb要用既野，同埋佢有個list，會知自己有無執漏，我忘了取孕婦個張，只係有bb個張咋，不過我都唔係買左好多bb野，返而就執左孕婦入院既野，同埋sales會介紹同講番d野係點用點用，都幾ok既

這個係餵人奶時要用的pads，兩包夾埋係$58

這個係走佬袋要用的，孕婦衛生巾每包$32.9，而另外個支，係洗傷口既樽$29.9，其實佢有一set買架，無記錯係$229一set，裡面包埋4大包m巾，1個樽、6條網褲及6張墊，但jennifer提我，可能有些東西未必啱用，咁我就散買了

這個係三合一"咩"帶，0-30個月用的，可用到2歲半，因為唔係大牌子，所以唔算好貴$298，我見到其他大牌子，成六百幾成千都有架

佢地送既sample

而bb既和尚袍，浴盆...................我會在街巿個d買，個度買應該係平靚正，好，遲d再買埋先，但見到好多bb野，細細件，好q，其實已經好興奮了，哈哈，好在忍到手，否則破產都唔掂呀

最尾，姊妹提左我一樣野，大家要記住啊，當入到產房生完bb時，就算個時流住汗，都要記得問姑娘攞張簿簿的毯，因佢話等推番上病房時，會好易攝親，而佢個陣就係攝一攝，返到病房就有輕微發燒，所以我都會記住這個動作，希望幫到大家啦