BB成長 - 第19週

本週身體及胎兒變化情形

目前懷孕 19 週 0 天，預產期是 2008/09/08 ， 146 天後您的小寶貝就出生了。
妊娠 5 個月（17～20週）
胎兒成長
胎兒身長：約25公分
胎兒體重：約350公克(約1串葡萄的重量
母體正常變化
子宮底高度：約20公分
羊水量：約400CC
第19週　　分泌胃液
1.四肢活動力更強。
2.吞嚥羊水的動作更頻繁。
3.開始胃液分泌，消化吸收喝入的羊水。
第19～20週
1.子宮底高度約在肚臍下一指寬處。
2.腹部明顯突出，須穿寬鬆衣服。
3.皮下脂肪增厚。
4.明顯體驗胎動。
下週重點：腹部明顯突出，更明顯體驗胎動。

今天終於照了超聲波，BB各方面都是正常，真的很感恩，唯一未照到的，便是BB的心臟，醫生話阿B個心臟睇得唔夠清晰，要再排期下次照過，起初確實擔心，擔心唔知醫生有無氹我，BB係咪有乜事，心裡有種無形的憂慮，所以連想問既問題都無問到，好失敗，因我成日覺得，有事既話，政府先叫你再照，但問醫生阿b係咪有乜野時，佢又話正常，可能阿b個週期未咁成熟，要等多3個weeks先再照，所以，都只有祈禱，希望下次照時，阿B個心臟清晰D，咁我就安心架啦，靚媽教我要同阿b去傾計，佢話bb真係聽到架，同埋叫bb聽話，下次要照到，咁我就由今日開始，成日都同下佢傾計先，因我現在只有沖涼時先同佢傾下計咋

不過今天見到阿B時，感到生命真的好奇妙，佢一天一天的在我肚裡長大，今次再見佢，佢已經大個左好多，雖然我依然要醫生講我知邊個係頭，邊度係手腳，我連佢條"尾龍骨"都見到啦，佢今日照時係擘大個口仔架，見到佢個心仔不停咁跳時，感到好感動及好有生命力啊，醫生度頭骨時，見到今日係18weeks3day，比現在計算的，係再遲多4日，不過醫生話預產期既野，有1-2個weeks既差別都叫正常，叫我唔使去擔心佢既預產期，其實只要BB健健康康，我已經無乜要求了，願主祝福阿B