北海道+東京之旅 - DAY 2

DAY 2 (DEC 5)

這天6:30 morning call，8:00便開始出發到札幌國際滑雪場，其實咁大個女，都未見過落雪，所以一去到已經超興奮，個度當日係-13度架，真係好凍，但都頂得住

早上有3小時係比我地玩滑雪的，4500YEN 3個鐘，咁我地計過遲些會玩另一樣野，所以這日我地只係買左飛(2600YEN)坐纜車上山欣賞下風景，因第一次見到真雪，所以佢傻仔到除左手套比人影相，但好想講，真係掂一陣都會凍親架

這裡便是中途站，D人坐纜車到這裡滑落山，超正，而LUNCH時，我地己坐番車到山腳餐廳食飯，是日我地係用代用券的，而在有圖指野食下，就食左佢地既咖哩豬扒飯同熱辣辣既粒粒粟米湯，真係好好味架，但個陣剛剛撞正D學生食飯，所以都好多人，好在碰上團友，痴住佢地坐，哈哈

食完野出到去，便開始落緊雪，這些就係團友們租的滑雪東西，但見到佢地學左咁耐，都係未企得穩的，所以我地扮哂野借黎影相，這裡便是入口了，在滑雪場，我地就係不停影相，但部相機在咁凍既地方，係會遲鈍少少的，所以每次一影完便會保暖，以免壞左影唔到！

一離開滑雪場，下一個行程便是小樽，這張係導遊幫手影的，取景十分美麗啊，我看書，如落雪同晚上開哂燈係仲靚架

之後都係用2個鐘時間去shipping，日本真係d野靚到呢................同埋勁多龍貓呀，但，都係影相算數，因真係買唔到咁多返屋企，一買實破產

佢地有些係似cafe既館，你只要買杯野飲，佢就會送埋成set杯比你，當然價錢係包埋set杯，重點係hello kitty款，都唔吸引既，所以無買，但我地蝕左，無去郵局寄信，聽番d團友話，郵局有米奇郵票架，由日本寄番自己屋企，收到真係好開心架

之前聽院友話，去到小樽一定要整音樂盒，所以導遊講解完便一野沖上去最高層整，這個係要diy的，同埋佢地既款有唔同價錢，但計番，我地都係用左約港幣200幾蚊，我地又覺得ok，因都好有紀念價值架，但太多款，真係花多眼亂，同埋最正既係個sales係識講國語，佢教左我地點整，其實都係諗好哂再痴上去，都好簡單的，咁當整好等佢風乾時，便快快手去行街，因實在太少時間啦，好沖忙呢！

這裡便是街頭一靚景，這個好靚架，但我都唔知叫乜名！

因是晚係浸溫泉，所以好早已經回酒店，因北海道個邊，4:00已經開始黑，都唔知why佢地生活咁悠閒架，我地想行多陣都唔得呀，因導遊話叫我地唔好浪費左個酒店設施喎

今晚住的係叫做菓子王國，我地真係有時間返去游水同浸溫泉架，但我的週期性發作，所以無得浸，唯有方生頂上，佢話d溫泉係好正架，一冷一熱個種感覺，好舒服，同埋這間酒店係好靚的，佢有一個位係露天浸溫泉架，真係可以一路看d雪飄落黎而身體又在高溫中，well，簡直一大享受啊！