北海道+東京之旅 - DAY 1

我們是2007年12月4日出發去北海道+東京之旅的，因今次係第一次去日本，同埋係HONEYMOON，所以唔想煩，就唯有跟團

原先JOIN左縱橫遊的，但臨尾話BOOK唔到回程機票，迫我地轉5天或取消，但感謝主，最尾都報到東瀛遊，雖然係最貴，但佢地都真係好好

DAY 1 (DEC 4)

早上8:15便要到機場報到，佢地話日航係要自己CHECK IN的，我地想坐窗口位，咁8:00前已經到機場，等導遊取機票，去日本係要坐成3個幾小時，因要轉機的關係，我地要在羽田定成田機場(無記錯的話)，又坐個幾鐘先到北海道札幌，佢地個邊時間係快香港1小時，去到已經4點，天色已黑

一出機場已經FEEL到凍，好在有羽絨放係背包度咋，否則會凍親，之後就要坐車去拉麵橫丁街，個度又個幾鐘，第一日真係坐飛機坐車都用唔少時間，去到個度約晚上8點左右，導遊就帶左我地去一間佢話好出名既舖食拉麵

一入到去係勁開心架，因好有日劇FEEL，我地食這碗，就係導遊幫我地ORDER既帶子义燒拉麵，這個係1300YEN，導遊話佢老細話這餐比1500YEN我地，咁佢就欠我地200YEN了

真係咪講笑，D义燒同帶子好味到呢，真係流哂口水，好味到爆呀，我相信在香港真係食唔番，D义燒勁大塊，帶子又大粒，同埋我地食完再行出去，原來成條都係食拉麵架，GOOD GOOD呀

咁食完野，仲有少少時間，就走左出去行一陣，札幌個度都有些似香港，都好似好繁華，但唔敢去得遠，都係在拉麵街轉左個圈，去埋7仔買野飲就走，這晚住的叫做京王酒店，一入到去，其實感到有些殘殘舊舊，因開頭聽聞東瀛遊貴既原因係酒店靚，但第一晩既感覺就真係不是太好，但坐左成日都很累，所以返到去沖完涼已經瞓了，因第二日要8:00起身，其實今次我地既導遊都好細心，佢每天都會比一個小錦囊大家，提大家個日同第日要做D乜，GOOD