北海道+東京之旅 - DAY 7

DAY 7 (DEC 10)

已經係第7日，也是最後一天了，今日主要係shopping，地點係銀座，銀座開舖時間是11:00，咁一早我地就去左日本皇帝住既地方影下相

後面個間屋就係皇帝住既屋啦，係超大架，但我地無得入去，只有一年某幾日先會開，好似香港既港督府咁

日本真係靚，要走，確實係唔捨得，你地睇，是但影都咁靚架

這個像有名堂，係紀念日本某個勇士，但我地唔記得左個名了，嘻嘻

這裡便是銀座，係一個好繁榮既地方，開頭我以為係女人街feel，點知係名店街feel，見到d團友勁買名牌，反而我地就無乜興趣呢，而老公在adidas買左件限量版既外套，超型仔，都係二百幾三百蚊，好抵！

佢地真係好準時，話11:00開就11:00開，這個就係現具城，勁多野買，好多團友都買左vii，我地都揪到兩隻孖寶，但兩隻都一樣架，hehe，其他的都係影相算了，因實在太多啦

是日，我地既午餐係自費架，銀座既百貨公司裡有好多野食，這檔既奶油及豆沙燒餅係即整架，熱辣辣，好好味架，yummy，我家陣諗起都流口水呀

午餐時既餐廳，係我地行行下，想食d地道野，咁見到這間有圖喎，d野又好似好好味，咁我地就膽粗粗入左去，但最大獲既，係佢地既餐牌係無圖架，入去時又唔記得影相比個waiter睇，咁好在用好簡單既英文同手勢，都可以選到好好味既午餐，真係好正，同埋個waiter好靚仔，連老公都話靚呀，哈哈

這個燒雞餐係我既

這是豬頸肉飯，個樣無燒雞咁好，但都係好好味架，今次我地好開心，無選錯，真係最尾一天都食到真正既日本菜呀，正

這個係成田機場內的商店，因要散埋d碎錢，咁就買左這個人氣食品，似雪糕球，幾好味架

回港了，真係好唔捨得呀，不過日本咁好玩，緊係可以再黎架啦，日本，後會有期啦，等我地儲定錢再黎過，YEAH！

北海道+東京之旅 - DAY 6

DAY 6 (DEC 9)

YEAH！今天一大早就起身，去迪士尼樂園啦，因為咁大個女都未去過真正既迪士尼，所以今日特別興奮，但我地今天係星期日，真係多人多到痴線呀，但算啦，無法了，唯有同人迫啦！

這些公仔，係唔知幾時出架，我地一見到，就好似FANS咁勁迫埋去，真係好難先影到，這個係唐老鴨，佢一出黎就扭住個"羅友"，好可愛呀

高飛，我地影唔到，同個個工作人員勁串同勁推我地走，話要安全喎，但比我地個感覺唔好囉！

布魯圖都係好可愛架，叫D日本人影既相，算啦！

其實日本人好多時候都係要排隊的，連這些唔郁既公仔都要排，所以唔明WHY走得既就要爭，好唔明

同香港個個差唔多，但日本的大好多

我地開始排隊，這個同米奇影相既片場，足足排左我地兩個鐘，雖然係排左好耐，但一入到去，感到都係值架，因裡面真係好靚架，我地每個位都有影，佢地做野係好仔細架，這裡係米奇既衣物間

YEAH！我地真係似小FANS咁，去錄影廠等米奇，勁開心，真係等兩個鐘都值架

其實行下看下排下隊，真係花左唔少時間，我地除左米奇，仲有一個遊戲都排左兩個鐘，真係唔抵架

這個便是我地既午餐啦，其實迪士尼入面既野都好貴架，我地豬左，無將D零食放係袋，我見到其他團友帶好多野食架！

但真係每個地方我都好欣賞，好過香港多多聲，嘻

其實我地一入去時已經PLAN左我地唔跟車回池袋，咁導遊都有教我地去OUTLET，但迪士尼排隊都已經排左到差唔多六點先走人，去到OUTLET個邊，快快手食少少野就去行街，這兩個便是我地既晚餐啦，無乜特別好味架！

我地在OUTLET行街行到8:00佢地已經CLOSE，真係無引，我地仲比"食蕉"叫我地走，話關門啦，我地看唔到好多野，只係行左兩間，EDWIN同NIKE，因太趕，未有心情去買，嘻，SIDE左D車錢，咁我地計計下，因迪士尼，導遊話等到大家9:15，咁我地都係坐車返去個邊搭車返池袋，而是晚我地都係住番池袋太子酒店，又係返到去就行左陣同SHOP左陣就瞓了！

是日感覺，真係累、累、累，但都係值得一去既，但下次有機會，就唔會再排隊玩個D遊戲啦，同埋可以plan好d既，哈哈

北海道+東京之旅 - DAY 5

DAY 5 (DEC 8)

這天morning call係7:00，8:15便出發，WHY今日一早起身，係我地又要轉機返東京啦，OH，這個美麗既北海道我地要講BYE BYE啦！好唔捨得呀

搞這搞那，又係要花時間在飛機上，這程係無野食架，所以導遊叫我地係北海道機場買一些便當上機食，原來這裡確實係好多野買及野食架，所以行下試下食，又夠鐘啦！

落左機後，就即去左彩虹橋，其實唔知係咪日劇影響，這個也是必去既一個景點，個度留左半個鐘，查實真係無乜野影，半個鐘乜都夠，因如要行街就唔夠時間的了！

唔知WHY日本都有自由神像，好搞笑！

YEAH！3點幾，終於可以CHECK IN啦，這裡係池袋太子酒店，有成37層高，可能係東京，所以D房係好細架，個廁所仲係膠架，好似係防地震咁話喎

之後就係我地勁SHOPPING既時間啦，yeah，之前dee dee已經教左我去個邊既藥房買護膚品， 我一野就買左好多支SOFINA，個度係7折呀，真係勁抵，之後就勁shop其他野，而100yen店我地最愛，好多薯片，日常用品，好多野都想買，但個喼無位擺，哈哈

在未食飯前，又行得咁上下，見到這間野排哂長龍，咁我地見唔貴，又多人排，咁就排一排試一試，我地試既係最平個個，唔識日文就指手畫圖，佢好似香港既小丸子，但係大好多倍架，裡面有好多料架，yummy，而事後我地再睇番書，原來這間野都有介紹架，不枉我地排咁耐隊，yeah

是晚食中餐，都幾好味既，但我地留肚食下街邊拉麵，因導遊講話近池袋酒店，一到9:00便有個拉麵阿伯，咁我地差唔多時間，落到去已經有人坐係度食野啦，個度既拉麵，淨食600yen，導遊話個碗淨拉麵都有料架，有肉有d配菜，因都係諗住試下個個風味，咁我地就叫左一碗，yummy，好好味架，係d湯唔夠熱姐，整體上我地食到這種拉麵，其實係好開心架！

拉麵阿伯好識做，見我地影相，佢仲開埋燈，做個V字手勢tim，好pro呀，食完又行，真係可能係北海道無野行，一去到東京就唔願瞓，連超巿我地都勁掃貨返酒店食，講真，個邊d薯片真係好好味架，最衰唔帶得多回港啦，因好易碎架，嘻嘻