接新娘、回門+出門篇

9:15兄弟們66續續到步整花車，也算準時，不過我就唔係太知出面情況啦，因要入房等，當佢地上到黎，只係聽到佢地勁嘈，我其實都怕嘈到隔離鄰居，比人罵就唔好啦，而第一part，佢地要方大哥穿上肚兜咁入黎，我真係無眼睇啦同埋我家地方淺窄，親友們已經迫爆左我家，咁佢地唯有在走廊玩，姊妹們已經算好，比D好簡單既新郎哥做，同埋整哂膠枱布，都叫做錫住佢地啦

遊戲一，就係要佢地抽簽，會有一對對的，一個做老公，一個做老婆，其實這個係抄倩兒的，原來真係好好玩架，咁做老婆的就要帶上好嬌艷既頭cool啦，當佢地抽到邊張靚相時，就做靚相後面個d瑜伽動作，我係看番dvd先知咁好笑，真係笑死我呀！之後唔知做乜都要罰，就係食甜酸苦辣啦，你睇方大哥幾多個人餵佢

遊戲二，就係除鞋腳指夾冰啦，雖然我個日唔係好凍，但都唔暖架，wakakaka之後就係攞開門利是及朗讀愛的宣言，你睇方大哥仲要跪低架，佢真係叫破喉嚨呀(個一刻查實有少少心痛架，因佢真係叫得勁大聲)，我聽番姊妹話，當方大哥朗讀時，原來我媽咪在偷偷抺眼淚，佢仲感動過我，呵呵呵

10:15 終於遊戲完畢，由爸爸帶我出黎，見到方大哥啦！可能我地請的攝影係朋友，所以免左要咀咀個part，YEAH之後就係一連串針茶時間啦，但原來帶龍鳳呃時係好易夾親，我其中一張就係比我阿媽夾到時既自然反應，真係都好痛架，哈哈

因著路程遠，一個荃灣一個觀塘，emily之前提意過話現在好多新人，都係在屋企樓下轉個靚圈就上返娘家作回門，我地問哂長老話無問題，咁我地d時間又可以慳好多，都係在樓下影下相，15 mins就回門，隻燒豬都好肥下，但就勁脆，hehe之後就食湯圓就出發到男家了，YEAH！完成左1/3啦，當時我的心情依然輕鬆，但方大哥整天既樣，都告訴左我佢好似好緊張

係咪好開心呢，一次過UPLOAD咁多，夠喉未呢