眨下眼，已經嫁左成差唔多半個月了，在這半個月中，有很多要去適應的地方，要與另一半真真正正的相處，與99的相處，這些也是一個很高深的學問，但感恩的是，每個難處，也是我學習順服的時候！
在BD當天，真的沒有喊過，我以為自己好勁，但當回到男家時，沖涼後已經開始忍唔住勁喊，真係好唔捨得屋企
，因一望自己身處既地方，知道自己已經係人地老婆，唔可以再像以前咁，就忍唔住勁喊，好在個陣99瞓左，否則，費事佢以為我有乜事！
之後第2日已經回娘家食飯，我家人都好開心，我相信佢地都係好唔捨得我，第3日我回去取東西時，細細佬仲煮野比我食，仲幫我洗埋，大細佬都話好唔習慣無左我既時候，真的感到很溫暖，未嫁前，同佢地既關係都無咁close，但當嫁左時，已經好發現家人的感情原來一直都咁好，個晚自己又忍唔住喊，真係失禮
因著我這表現，我便向老公申請，想定時定候回娘家睡一晚，好開心既係佢都諒解，答應了我每個月比我回娘家瞓兩晚，YEAH
有時我也知好似無乜陪99，成日都無返去食飯，我也是一落機第2日就即回娘家，我也怕佢老人家唔LIKE，但，我真係要時間去適應，請好好為我祈禱，盼望盡快與她相處溶合！
這個星期應該會收到BD時的相片，我會盡快將我們當天的情況寫下，以及北海道之旅，真的要時間去寫寫，嘻嘻，再請大家耐心等候下啦
"未嫁前，同佢地既關係都無咁close，但當嫁左時，已經好發現家人的感情原來一直都咁好"
回覆刪除好認同你既感受, 同我當日既感覺完全一樣~ 當我嫁左之後, 就強烈感覺父母對自己既愛 (其實, 新居同娘家只是一條單程馬路之隔)~
放心啦, 你一定好快適應到新生活~ 至於99, 你可以多d同佢溝通, 就算唔返去食飯, 你都親自打俾佢, 等佢知道你尊重佢~ 當然, 你都要盡量多d陪佢, 盡量做到公平~ 加油呀~
你依家同99一齊住呀??我第時都要呀,要住一年先可以搬走呀,
回覆刪除我都怕我唔適應呀.
wowow/.....返黎了
回覆刪除雖然我仲未嫁
回覆刪除但這種唔捨得屋企感覺係好實在~有時候都想不如唔好嫁住~~
嫁咗後....返親屋企食飯都好好餸, 仲次次都一袋ニ袋又食又拎......嫁咗後反而成日想返屋企~娘家
回覆刪除fanny, 你好乖呀, 搬都諗住同 99 一齊住, 抵方大哥咁錫你
見到呢篇野,唔知點解好感動...
回覆刪除我都係同奶奶住,其實問題都唔大,只係時間問題而已..