終於到左最後衝刺既時候，很感謝各位一直以來的祝福，我相信，明天必定是我與建中感到最開心最難忘既一天
今天carmen請左假，特登陪我執野，感謝你
原來無咩野搞，因可能全部野我已經交了給姊妹，所以好輕鬆，等陣再約埋男友去溫馨攞衫，之後回家，carmen便會幫我修甲、搽甲油，佢已經幫我take up哂好多野，應該無乜漏掛，就算漏，都唔緊要了，因為明天我們才是主角，其他東西有無漏已經唔重要了，今晚會努力full mask，同埋買定d暖包，但很感恩，明天有15-20度，yeah
！感恩呀，但我家陣成日包雲吞中，希望明天唔好包啦，嘻嘻
無諗過可以在BD前咁輕鬆，我以為我會有好多野要搞，但男友仲要執野，也請各位他代禱，希望佢快D搞掂啦！
感謝各位的代禱及幫助，各位，明天見啦！
今天開始放假了，YEAH，真係好開心呀
今天一早，回公司交待完所有野便閃人，很意外，回到公司，竟然收到結婚禮物，無諗過佢地會有乜野表達，但今天收到時，心裡很感動，可能放假關係，心情也是輕鬆的，多謝JUBY、VIVIAN及CAROL
之後便到尖咀開茶會，出到去剛好開始，當主持人講到北海道一定要食咩時，我同男友已經流哂口水，乜野長腳蟹、帶子、海膽、神戶牛柳................等，仲有北海道要食咩拉麵呀，我地要帶備甚麼東西呀，都講得好詳細，但行李個D都係等結完婚之後仲有時間時去執了，在此要多謝P先生，幫我地唱YEN，真的令我們很方便，感謝你啊
茶會完，約了姊妹午餐，因姊妹食成2點，咁我仲有成個幾鐘頭時間，咁可以在公園仔內安靜，感謝主，中間看到很多很深刻的聖經，感謝主，祂連麻雀都養活時，難道我這個人，祂不理麼，有時，當自己很忙碌時，很容易忘記神，但，感謝神一次又一次的提醒，我們每天也能經歷祂的恩典，今天的安靜，令我心裡平靜安穩，心裡沒有忙亂，主呀，感謝祢！使我作凡事謝恩既人！
午餐時，再同姊妹討論下結婚當天有甚麼可以做得更好，很多謝你們，你們的用心，我是知道的，姊妹們連當天玩的遊戲也很詳細例埋出黎，真的very good，有你地，我當天可以好放心
再黎，就係去美容院，今天真很充實，而晚上再同emily交流下我bd當天的造型，現在再打埋個座位表，咁就大功告成，yeah
剛剛由大細佬幫我搞掂的花車公仔，YEAH，好鍾意呀，由於環保關係(查實係想慳得就慳)，問左Cyan bd用完的花車物資，用來自己整番好佢，咁就又可以慳左d啦，對公仔影時係未放得好，之後我已經將佢地痴番埋一齊啦，哈哈哈
做埋今天，就唔使返工啦...................(半個月咁大把啦)
今天最尾食媽媽為我預備的lubch box，諗起都想喊
，以後就要由自己動手，唔制呀，可能以後既lunch都要買外賣，諗下辦法先
泡哥(我細佬的貓貓)這兩晚都半夜偷入我間房，唔知係咪凍既關係所以要偷入黎，佢好利害，因我的房門很唔順的，別人都難開到時，佢偏偏就咁叻仔開到，平時我feel到佢入黎時，我就會嘈到拆天，叫我媽抱番佢走，但，這兩晚，我就由得佢鍾意點就點，佢都好乖，只係瞓左係我張披上面，諗諗下，除了屋企人，我都好唔捨得泡哥
不過唔好想太多，我唔想比這些唔捨得既感覺，搞到自己好似好可憐咁
，結婚係開心事，我將來都會成日回家的，只係由3日後開始，無得再做大小姐，但，習慣左就應該無問題，我相信神會在我們當中掌權，神必將最好的給我
明天上司就會回公司，由於明天我係取假的關係，我只會回去交待番比佢聽d野，就走人，因佢地係唔會補番假或時間比我既，所以，我要今天內搞掂哂佢要既資料，明天後，千其唔好再問我關於公司既野，因我唔想分心，我要專心搞好自己個婚禮
今晚要乖乖地搞掂埋個座位表，車頭公仔，仲有無其他野漏呢，家陣未諗到，每晚已經full mask中，d皮膚已經好好多(比起之前)，希望bd時會更好更靚個妝更貼，但好開心既，係我夜左少少瞓時，比msn既朋友仔勁問我why仲未瞓，那一刻，心裡感到甜思思的，知很多人也很關心我，我已經感到好幸福呢
願主祝福我們的婚禮，在一切事上，有祂的幫助，必定會更美好的，感謝主
昨天請了半天假，分別去左3度地方，好在都唔係話相隔太遠，要比邀請卡及帖既都差唔多比哂，今天打埋電話比昨天未派到既人，就可以安心哂，我手上既邀請卡都無哂了，D人見到3V既相，已經流哂口水，勁問我野，我就叫佢地去影全家福
昨天見到好多舊同事，最fd既莫過於靚女carmen，我由一入去派野，有3/4既時間都係同佢不斷傾傾傾，都無諗過可以咁多野傾，之後佢放工去埋佢屋企再傾，到我走時，我個喉嚨已經有些乾乾地
嘩，女人傾野真係勁，但好感恩，好多野都關於屬靈既事上，大家都好坦承地講出自己在神入面經歷了甚麼、我地作妻子既要學咩既功課，真的感謝神我身邊有咁多咁寶貴既姊妹，真的令我很感恩的，thx god
但最搞笑的，係男友接我時(我上佢搭個架bus)，佢在巴士上望到靚女carmen時，已經話，嘩，真係終於知道你why成日話佢靚啦，真係好sharp呀，成個巴士站，第一眼就望到佢...................同我，比佢笑死，仲問我係咪請教左好多保養心得，真係個一刻想打獲甘既佢，但就好多謝你比咁多sample我，真係有排用呀，kakakaka
晚上去了淘大的直銷中心，睇中左個書櫃，$1180仲有97折，very good，男友有咁多書，真係要個大d既書櫃，雖然未必在結婚前送到貨黎(因要排隊送貨)，所以到時結完之後再執過間屋了！
現在欠坐位表，等今晚陪完男友、未來99及伴娘搞埋佢地既final fitting，應該無乜野要出去掛
我29號已經取假，但早上還要回來向上司交待一切就走人，之後我希望無乜野跟，回公司後就要去尖咀開茶會，好緊張又興奮，終於可以去北海道啦！仲有4日就大日子，感謝carman及勇兒星期五攞左假陪我地，我地唔會當你地係阿四架，真係由心底裡的感激啊！
在此，真的多謝各方好友，一直以來的代禱及出手幫助，真的太多人，無法一一盡錄，你們的付出，我同建中這一生也沒法忘記，真的，錫哂你地.gif)
昨天在溫馨試衫，陪媽媽去左金都買girdle，我之前係陪過好多人在這間買，點知自己買時又唔記得，係近期行番金都，經過先諗起，真係死蠢，雖然自己無買，但平靚正之選，點可以唔介紹，佢一set都係$199(girdle+束腰褲)，而只係girdle就$138，非常平，因為girdle唔係成日著，牌唔牌子都無乜所謂，同埋服務態度一流，個度都有好多女性用品，good good之選
舖頭名：娉婷女仕用品
地址：九龍彌敦道金都中心1樓111舖 (金都一上電梯左手邊，差唔多最尾個間)
今天收到縱橫遊電話，話我地報個個團，因返黎機位firm唔到回程，迫住要取消
，他們叫我地改5天團，真係唔想，如我地唔改，佢地會全數退回，咁好快手咁打了去永安及東瀛遊問仲有無位，永安只有12月5日，而東瀛遊最快都係12月4日，咁佢地相差$100，咁因為假期有限，於是好快決定東瀛遊(團費都成$9,399)，雖然比原定個個團每人貴左成$700(肉都赤埋)
但在咁短時間內都可以BOOK到，已經算好感恩，好啦，唯有再慳D啦，同埋有個弟兄個女友可以借到雪褸比我(明天試希望啱身)，而男友既只係買少少，就已經有褸著(因若然我地兩個都買，真係破產，因一件都好死貴)，YEAH，12月4日出發去北海道+東京迪迪尼之旅，但好似會好凍啊，希望我地唔好凍瓜左就得架啦，wakakakaka
今天終於到左final fitting啦，溫馨既規矩，係唔比人影相，但final時，在另一個地方就可以拍，話拍比mua看的，以下係我今天試既wg&eg，當試完之後，真係想唱番首，仲有最靚既豬腩肉，wakakakakaka
我仲有1個星期減肥時間，真係要加倍努力
以下既相，為何會無左個樣，同埋有些裙既位擺得唔好，事原我媽媽既技術係好一般的，其中有兩件eg係男友影外（因有事走先），其他的都係媽媽影，所以，都係自己再修補下，無謂嚇親街坊，不過大家見到我既豬腩肉時，唔好笑，我已經好努力，黎緊我會加陪努力，YEAH
婚紗－註冊及match in （現場看係好閃及好靚架，我最愛溫馨既婚紗，因真係出名靚）.gif)
湖水綠晚裝－席前 （這件係我好喜歡的）
燈色晚裝－席前＋敬酒 （這件看上去好似好單調，但現在個色同個料係好靚架）
送客－銀色晚裝，這件原本係DEEP V+大露背，但知男友不喜歡（因在無知會下揀了heehee），所以叫改衫既姨姨幫我加高D，同埋加了披肩，視覺上好似好D
不知為何影相出黎無現場看咁靚，唔知係咪部機問題呢？
過左今天，就仲有一個星期，諗起都興奮、緊張及擔心呀，興奮係bd完可以即去honeymoon，緊張既係bd時心情，擔心既係天氣轉涼，凍親我地d屋企人及我既姊妹，不過都唔理咁多啦，放手交比神，我深信祂必為我預備最好！
真的很感恩，我有一班咁寶貴既弟兄姊妹，感謝你地為我們一路的代禱，我昨晚終於完成我既rundown啦，YEAH個一刻，真係飲得杯落(維他檸檬茶)，及勁想食卡樂B薯片(大包裝)
嘻嘻，幻想完之後就send比男友，等佢再改改，就可以send番哂比d兄弟姊妹，終於放下心頭大石啦，雖然我知可以再改好d，但，等男友check了再算，所以今天心情明顯地鬆左好多，YEAH！
公司既野，我已經唔理了，因開頭諗住最尾要audit既個間公司，在我結婚前搞掂好哂，等我可以安心去旅行唔使理，現在auditor個邊好快手咁搞掂哂，只差公司要決定用A方案定B方案，決定到就出audit report！
但上司話要等她回來(現在台灣)才作決定，但佢回來那天，我便只有上午跟她碰面，交低完我所有野，我就要請假，我唔想得1天時間休息，我還有很多野在BD前要做，but佢話要等佢同老細商量左先，真係無咁好氣，我已經唔想再為公司既野而緊張，因我緊張都無用，成日將d野拖，本來可以好順暢，作一個決定有幾難(或許我唔明白)，但，一要決定野時，又要問這個問那個，真係..................頂唔順，但已經唔想再諗，因台灣人都真係好死煩，一諗就想打獲佢地，每次諗起公司野，個人都變得暴躁及苦惱！
現在很乖，每晚11:30前就撻上床，雖然未必即時瞓到，但好過無，現在 (情況許可下) 也會晚晚full mask，每次洗完面都搽水份精華，超good，每朝早在未食早餐前飲2杯暖水，今天開始feel到已經唔再咁乾，謝謝各方好友既教道
同埋，謝謝鳯英的愛心禮物，原來送既係我現在最適合用的保濕mask，我下個星期既狀態，應該係休息狀態，唔想咁緊張，我會騰出多d時間安靜，讓自己個心被神既愛充滿，唔好再咁燥，出了rundown我可以relax左好多，真的感謝主，感謝b/s們
請繼續為我們當天天氣代禱，希望唔好太凍，同埋快手快腳搞掂埋屋企野，我媽已經不斷叫我搬D野到男家，但我就懶懶行
，車................我返工地方咁近屋企，YO，使乜驚，到時返屋企沖涼食飯再返男家都得啦(間唔中)，heehee
