大咀妹妹生日爬地@Oct 2010

17 Oct 2010

有幸被邀請出席生日爬地

兜兜轉轉

最終都去到

 

約埋豆豆EE一齊上去

咁等待期間

見到d綿花糖$5支

就買比昕晴試下

阿囡第一次試食

唔太like

最終都係由我清哂佢

一入到會場

阿囡就好急不及待

拎d禮物比大咀

真係唔該哂你喎

生日爬地在會所內進行

環境及各方面都好好

睇得出大咀家人對大咀既愛

而會所

就真係租個場比你

其他玩意

就要自己帶去

場地報置

食物

都係要自己去處理

阿囡一去到

就霸住人地架車

好在有位好好既姐姐

肯禮讓

真係good good

而波波池

阿囡就訓係度

睇電視

勁爽

大咀的回禮小禮物

超正

有不同款色

真係好難選擇

因為個個我都想要

呵呵呵

開頭以為會叫到會

點知

全部都係自家製(燒味除外)

真係好意外

好有心

仲要樣樣都整得咁好味

阿囡都食唔少

大咀E MA

比十個叻你

食到咁上下

最精彩的一環

就係蛋糕時間

 

登登登登

一開

大家都超興奮

咁大咁靚既蛋糕

無論左睇

右睇

前睇

後睇

都一樣咁吸引

真係靚到

唔捨得切呀

cut cake前

快快手影番張

難得阿囡肯帶生日帽

最尾

大咀換上哈佬喂既衣服

南瓜衫

同大家合照

真係好可愛既姐

大咀妹妹

Fanny EE祝你

快高長大

身體健康

聽教聽話

活潑聰明

富泰bbq@屯門

16 Oct 2010

 

真的係超難得既機會

今天全家總動員出動

連我阿婆都一齊黎玩

今日真係四代同堂呀

 

由於一早去既關係

所以我地十幾廿人

霸左人地2邊枱

爽爽爽呀

而個度有個小型遊樂場

專for小朋友玩的

我唔預佢好新

但就真係幾殘舊

所以小朋友玩

真係要大人睇住

否則跌親都幾係野

謝謝阿媽幫我看囡

等我有時間

盡情燒燒燒

昕晴個日真係玩得好開心

一個月內

已經第2次bbq

完全投入

玩到濕哂都唔願走

燒到咁上下

大家就輪流幫我睇囡

表舅父們就帶左佢去唔知邊度玩

昕晴自己就win左2支pencil同一個乒乓波

所以佢好興奮

個度除了燒野食

仲係一個食錢既地方

好似這部車

$20得12分鐘玩

但阿囡原來係好驚的

無諗過佢咁細膽

而這個彈彈床

都係襯佢唔多人玩

就叫表舅父陪佢入去

$20跳15分鐘

雖然唔使我比錢

但我都覺得貴貴地

整體上

食物質數屬於好味道

這裡係任燒的

飲品、玩遊戲個d要錢外

炭、食物係任攞的

我地由11:30燒到5:30左右

一定唔會蝕

臨尾仲有粥同炒麵

味道確實唔錯

如果有機會

會再黎過

 

漏了一提

這裡係24小時任燒

成人係$78

小童同長者係$48

昕晴爭少少就要比錢

因佢話高過90cm

就當小童

好在爭少少

所以我覺得好抵

呵呵呵

面試+PG畢業

9 Oct 2010

今天係面試既日子

唔知係咪每個父母都咁緊張

而當我知道要interview既時候

心情係相當緊張的

反而阿囡就乜都唔知

仲好開心

以為可以去玩

in完就去了另一間

個日係佢地既open day

所以感覺上

好熱鬧

好多人

 

一去到首先拎表格先

之後再去玩

佢地有好多攤位

昕晴都玩得好開心

但因早上要去面試

我地去到

已經差唔多尾聲

有d攤位已經close左

 

而這間都係我地心儀的

希望入到啦

之後就帶昕晴返去舊時住既地方

懷念一番

是日

係playgroup既最後一堂

當天會派埋證書

真係好似畢業咁

仲有埋評估

非常認真

我鐘意

昕晴十分之興奮

因為Miss搵左佢做開頭同小朋友say hi既人

(阿囡手上係有公仔的)

Miss要阿囡同同學say hi

say bye

又要握手

又要問候

去到咁上下

阿囡就好似d明星咁

一路拍手一路叫d小朋友起身唱歌跳舞

佢仲要續個續個咁叫

突然間

我覺得昕晴好有班長既風範

場面真係幾搞笑

我未見過昕晴咁架

上左9堂

感到阿囡確實係進步左

當中

一定會有扭計既時候

但係

佢會聽Miss話

又會跟住Miss做野

 

而每個星期去到咁上下時間

阿囡都會同我講

要去Miss度

唔知佢係咪咁like上堂既呢？

希望將來

阿囡上K1

無媽咪在旁既時候

都係一樣咁LIKE上堂

一樣咁聽Miss話

咁我就真係放心哂啦

與Mocha仔有個約會

2 Oct 2010

好多bb出世

如果就啱時間

都會去探下佢地

 

今天

有幸約到一齊去探Mocha仔

昕晴一去到人地屋企樓下

見到咁大隻熊貓

就話好靚要影相

笑c

登登登登

好似媽咪既Mocha仔

Hello

你好嗎

昕晴姐姐上黎探你呀

原先Mocha仔訓得好地地

昕晴一見到BB

就話要抱

整醒左Mocha仔

因為BB太細

一個月都未有

我當然唔比佢抱

衰妹就開始發老脾

之後同佢講番

因為BB太細

叫佢就咁樣影下相

當抱左架啦

衰妹都可以乖乖咁影

算你啦

好開心可以抱咁細隻既BB呀

Gary爸爸真係一個好好既Daddy

雖然係新手

但肯主動幫手照顧阿b

確實難得

DaDa你真幸福啊

昕晴無野搞

就搞人地d公仔

又望住阿b食奶

破壞王係咁搗亂

真係唔好意思

近期實在太多bb出世

估唔到家陣既出生率咁勁

唔怪得d醫院常常爆滿

 

Mocha仔

Fanny EE在此祝你

身體健康

快高長大

聽教聽話

 

有機會

我地會再上黎搗亂

哈哈哈哈

2010國慶日

1 Oct 2010

今日節目好豐富

首先去左老公既同學仔屋企BB蕉

同學仔屋企

原來勁近我娘家

住村屋真係正

可以擁有咁大既地方

如果我地住村屋

一定會有水池

波波池

SIR滑梯

等等.........................

哈哈哈

發夢都未有咁早呀

昕晴著住對唔太啱SIZE既拖鞋

係咁周圍行周圍走

好搞笑架

是日仲有另一個BB

真係好乖無扭計

GOOD BOY

爭左老公

否則扮一家四口

哈哈哈哈

昕晴咩事呢

個表情咁驚訝既

原來玩下參觀下期間

同學仔媽咪已為我地

預備好豐富既BB蕉食物

今餐食得好豪

唔單止有海鮮

又有好好味既蒜茸飽 (醬料自制)

超好味

最重點既係

有超好味既羊架

仲係要由5星級既大廚為我地調味

羊架仲要唔SO

真係好味到呢

見到阿囡幾認真

佢真係好ENJOY燒既過程架

是日

我同阿囡要走2場

下場就係去契仔雙滿月酒

好在都係在荃灣區

咁我地只係食左少少野

就要走啦

有機會

再黎打擾下先^^

 

契仔雙滿月

在此

祝阿B快高長大

健健康康

聽教聽話

無病無痛

每天都要咁開心