突然長高了

在這半個月裡面

昕晴好似突然間長高了

之前

佢企係度的時候

唔會掂到食飯枱

但現在

頭仔已經有少少過左啦

現在成日都古古惑惑

個樣超多表情

仲識"bu"口水

飲完水又識 "霞" 一聲

好似好享受咁

真係比佢笑死

學野學得好快

同埋成日學企

唔知係咪就黎學行呢

但這個大冬瓜妹妹

成日都企唔穩

一企係度

個pet pet就扭黎扭去

好好笑架

 

試過有一次

真係比佢嚇死

企左係度

用個肚仔頂住張CHAIR

之後係度拍手掌(因睇到電視)

我真係驚佢企唔穩

成個仆底呀

但唔知係咪大個左

定仆得有技巧左

佢識用身體去仆

以前仆既時候

真係會頭仔落地

現在

就會用pet pet落地

非常醒

咁就唔會跌得好痛

現在也會成日周圍爬爬爬

眨下眼就會爬到好遠

so都無用墊墊比佢了

因佢所爬既地方

係全間屋

所以每天都係在佢落地前

清潔乾淨就好了

最多如果太dirty

就會晚上再沖多次涼

睇下，係咪真係長左好多呀？

仲要個衰樣勁串

真係好想咬啖佢

家陣坐既姿勢

成個大少爺咁款

我覺得

佢長既地方

係對腳

真係突然長左好多咁喎

好唔想佢咁快大呀>.<

但另邊廂

又好想快d同佢有交流

 

現在帶親佢出街

d人都估佢係咪over 1歲

可能佢係老積妹

我話比人聽佢只係10個半月時

d人都好驚訝

在此

再一次多謝有錢契姐既禮物

昕晴媽咪好喜歡，呵呵

多謝你送比昕晴咁多野

但真係好貴

我做媽咪既都唔捨得

 

好啦

見你咁錫昕晴

等佢遲d大個d

我會叫佢錫多d你架啦

呵呵呵

有錢契姐萬歲，yeah

IQ博士@青衣城

考開心呀

今日同姊妹去左青衣城影相

個度有個主題

係IQ博士空降21世紀天神村

 

展覽日期

由7月12日至8月31日

首先已經比小吉吸引住

以前

好愛這套卡通片架

小雲同小吉

真係好可愛

而草菇

就係最出位的一個角色(個人意見)

係現場

仲有佢既

 "電髮呀電髮...................................."

同埋佢係識自己郁架

而這督屎屎

我都好愛架

馬拉松同Catalog都有佢既屎屎衫買

我應該會買比昕晴架

呵呵呵

睇下

幾多"米田共"

嘻嘻嘻嘻

這裡就係IQ博士研究探知館

有則卷千平博士係度看守住

但佢個樣

應該係變靚仔左時既樣

小雲同牛奶糖4號

昕晴實在太比其他野吸引住

好少可望鏡頭呀

哈哈

宇宙大王呀

諗起都好懷念呀

這個係宇宙大王既僕人啦

大家如果有睇過

就會記得

佢地中間既位置

係身體既某部份

諗起都笑死左呀

小熊真係好可愛架

我覺得

佢地真係肯花本錢

因為真係整得好靚好靚

山吹老師

唔知點解

見到佢好有親切感

最尾

在天神村外

有這個超大型既小雲公仔

好難影到無人架

這裡係免費入場的

但當然唔會咁SO啦

佢係當你入場時，隨意捐錢到公益金

心意真係隨便的

 

每次放20人入去

可逗留10分鐘

其實有好多野都未玩過

我地只掛住影相

 

我地今日去既時間係平日既4-5點左右

都唔算叫多人

我估，星期六日會較多人D

 

所以如果想去的朋友仔

就快d去啦

真係值得一影

 

而在捐款箱附近有D單章

其中有一張係在指定的馬拉松或Catalog既85折優惠券

記得攞呀

現場環境@朋友家

好開心呀

我地今日有得實地考察

 

事原係我有個舊同事既親戚

都係派左黎秀南

咁佢7月份取到KEY

就開始快快手咁裝修

 

而我就好唔客氣咁上去望望現場單位

這個單位，同我地既係一模一樣

都係2睡房單位

 

可能一路只係望過房署POST既相

今日真實咁望到

其實覺得係比想像般細的

 

但我相信

簡單而舒服既裝修

就唔會覺得間屋係咁細的了

 

這個係客廳，之前POST既圖

房A既尺寸，原來唔大架

反而B & C房既尺寸

都OK的

而個洗手間

我覺得比較大

查實可以細番D

咁其他地方就可以大D，嘻嘻

這個係涼衫架

BUT我真係唔知點涼法？

現在娘家或屋企

都係用D涼衫竹的

這隻，真係唔識用

見到個洗手盆同座廁

就諗緊咪應該換左佢

定唔好SIDE，照用呢？

這個花酒都好似唔錯

這裡就係廚房

到時我地可能會整廚櫃

放BAG位置

應該係放煮食爐的

這個位置，唔知係放洗衣機定雪櫃

但我地都有考慮過

將洗衣機放在洗手間

咁就可以用多D位去放其他野

這些門，係可以拆的，RIGHT？

諗緊會用摺門定熨門

好似慳位D

由於人地開緊工

我地就快快手

參觀完就走

我地在走廊影出去的VIEW

好開心的事

係我地係同一層架

佢地這邊望過去

個VIEW真係好靚

 

唔知我地揀既單位

望唔望到這邊呢

但都要等取了KEY

先可以清楚睇個實景了

 

如果這裡裝修完

我地都會參觀多一次

睇下佢地點裝修

同埋主要睇下個師傅手工掂唔掂

再叫佢報價

到時再POST相出黎啦

未來新居@秀茂坪南村

趁有時間，得閒就走去未來新居望望

查實個度環境真係唔錯

九龍區

地方又新

空氣又好

睇番個交通又方便

周圍都有小巴、巴士

 

可能我由細到大

都係草根階層

所以有咁大既屋

已經感到超滿足

 

將來係點真係唔知

買樓與否，也未計劃

可能會在這裡住上十年廿年

所以，我會以感恩的心

感謝神為我們所預備的

 

好啦，帶大家睇下個環境先

我地就會住其中既一個單位啦

雖然這2座仲未入得伙

但其他3座已經有人開始裝修啦

樓下既環境，真係唔差架

同埋附近仲有好多學校

好既小學

已經在我地家樓下

YEAH

而中學

就在藍田個邊

所以都係好近架咋

樓下地方都唔細架

仲有個公園起緊

同埋我地今日行過

唔止這裡有公園

上面村同隔離村

都係有公園的

另一邊就已經望到藍田

所以真係好近呢？

這些係我地在另一個村影番落去

如果住高層個D

就已經可以望到中環個邊既景啦

雖然我地唔係高層

但就一樣咁開心

唔知係咪新式大樓都係咁既呢？

好似好嚴咁

以下，就係我地所揀的單位既間格

佢係屬於2睡房單位

這個係廳

這個係廚房

好似話佢地現有既野

唔可以比人改動

唔知係咪真既呢？

這個係洗手間

好似話入到去

已經包埋圖裡面見到既野

這個就係我地所揀既單位既FLOOR PLAN

其實現在有少少頭痛

唔知間2房好定3房好

因為我地有4個人住 (我、老公、囡囡&99)

將來

仲未決定生唔生多個

以下圖片係COPY人地的

間2房

只要B & C合併就係了

 

間3房

B & C房就會比較細

C房就無窗口，可能比較焗

但個廳就會好大

 

如果咁間

個廳就會無窗，好黑

但3間房就會好正

其實亦都有人同我地講過

只間2房好D

因為99年紀大

昕晴又細

到昕晴大左，MAY BE 99可能已經不在

所以現在都係思考中

大家有無意見呢？