耶和華是我的牧者，我必不會缺乏。

2008年8月1日星期五

魚一丁@尖沙咀

店舖：魚一丁刺身居酒屋

地址：尖沙咀海港城海運大廈3階OT308號舖 (由LCX直行入去)

電話：2957-8909 (記住訂位先)

每次行開LCX時，永遠都見到人龍，一看已知係好好味，但知應該好貴，咁啱老公在個頭附近IN工，咁個晚就去左這間食，可能我地個晚時間還早，所以不用排隊，但如果下次同朋友聚會，就一定要訂位先，因我地食完出黎，已經見到個條人龍啦，真誇張

吉列蠔 $55，這個老公好喜歡，熱辣辣好好味，有成5隻架，加埋D醬汁配合就最正，YUMMY

一丁拉麵沙律 $65 其實我都有講過我係幾揀飲擇食架，正常生菜、青瓜個D我係少食，生番茄就更加少少少少食，但這個沙律，我就將我平時少食或唔食既野，通通掃清光，因為真係好好味呀，同埋佢配埋個沙律醬，我會勁推介，我見個個都叫這個架

燒花魚 $65 這個也是燒得剛剛好，好入味，又係好正

起初看圖，我以為D食物係細細碟架，點知................黎到咁大碟，我地2個人食左3樣(開頭諗住食完唔夠再叫)，點知原來係食唔哂(餘下少少啦)，仲飽到我有D想嘔，最衰我仲未食得生野住，見人地個個都叫刺身個D食架，好，等我忍到生完仔就可以..................嘻嘻嘻嘻，同埋多D人會食得多款D，但這間野我係推介架，因真係好好味啊，YUMMY

同場加映，全家福，好似唯一一張

譚仔雲南米線@太子

店舖：譚仔雲南米線

地址：太子區，忘了地址，近花園街個度架

過橋米線 $39，好大碗，同老公SHARE，酸菜最好味，其他的都OK

土匪雞翼 $23 好香但掩得唔夠，所以裡面無乜味道

成日見到觀塘間譚仔排哂長龍，唔知係咪食飯時間定點，同埋聽聞好似好好味咁，咁有日去開花園街又唔知食乜，見到就走左入去，個陣六點幾咋，都爆哂，真誇張

我自己就比較揀飲擇食，就算過橋米線有咁多餸，我都唔係話樣樣食，味道都OK好味架，最正的就係隔離個碟酸菜，但老公唔比我食咁多，否則我會成碟食哂，好好味又唔酸

而個雞翼，見到好多人都叫，因佢有3款選擇的，咁就求其叫一款，雞翼表皮好味，但真係掩得未夠時間，所以裡面就無乜味，感覺上差左D，BUT我只食過一次，好多野都未食過，而佢地除清湯底外，酸辣麻辣都要加1蚊，等我生完會再去，譚仔價錢OK，都係一個好的選擇

2008年7月30日星期三

白蓮鬚糖水

以下資料特別鳴謝CYAN比的，等我可以POST出黎同人分享

因我知孕婦踏入最尾階段，要食這些野黎去胎毒，我姑姐在我有左既時候，已經不斷提我最尾個個月要食這個，但佢又唔太記得名，叫我去藥房問人就可以，呵呵，所以我知這些在藥房可以買到，同埋開始要食腐竹蛋糖水個d涼野，因我比較怕早產，所以唔敢食住，咁我現在開始慢慢食下西瓜先同多d行路，等生個陣都容易d

昨天BB無乜點郁，咁我就叫佢點都要郁下比媽咪睇，等我知佢健健康康同安全，咁講完無耐佢真係郁，但.....................今天就起哂飛腳，真係........................為有ENJOY，呵呵呵

白蓮鬚糖水常用於助產及有助清胎毒. 藥方如下:
材料:
白蓮鬚…………..3元
雞蛋……………..2隻
冰糖…………......適量
水………………..6至7碗

製法:
凍水放入白蓮鬚及雞蛋(去蛋殼), 煲滾後以慢火煲45分鐘, 以冰糖調味即成。

飲用時間:
臨盆前一個月至十五天前飲用。白蓮鬚屬平性的食物, 無論涼、熱底的人都適合食用。一星期可飲用1至2次。將近臨盆時飲用效果不大。

功效:
1)固澀 ~ 白蓮鬚乃蓮花的花蕊, 性平味甘, 有固澀(即止血)、補腎,、消熱毒之效, 而雞蛋則有蛋白質, 此糖水確有助防止生產時大量流血的作用。
2)補腎 ~ 由於孕婦需要養胎, 腎氣一定有損耗, 具補腎作用的白蓮鬚能使孕婦生產時有氣力, 生產過程會較順利。
3)解胎毒 ~ 所謂胎毒, 是指孕婦身體內因常吃油炸食物而產生的「血熱」, 令嬰兒出生後易生瘡

2008年7月29日星期二

BB成長 - 第34週 + 走佬袋需知

本週身體及胎兒變化情形

目前懷孕 34 週 1 天，預產期是 2008/09/08 ， 40 天後您的小寶貝就出生了。

星期六收到個姊妹既電話，話佢同事(早我一星期預產期，即8月尾)，在星期六(7/19)當天突然穿羊水，在無預備情況下BB便出世，我聽到個刻，即刻呆左，原來BB真係可以隨時隨地便出世，而姊妹同事因個B未足月，5磅都唔夠要瞓箱，諗起都心痛，但感恩的係一切正常，唔使插喉，咁我就同老公講左這件事，佢第一時間問我走佬袋D野，要即買埋，咁昨晚便與姊妹們再掃一次護協，其實已經8899了，都差唔多預備好哂

以下係親子王國COPY 的

走佬袋需知
1 產科門診證 ,孕婦身份證及丈夫身份證副本
2 紙巾2盒,初生嬰兒紙尿片一包, 莊生濕紙巾 / 連盒, 尿片墊, 大毛巾兩條, 面巾兩條
3 產婦衛生巾1包'非黏貼型' (入院時及剛生完時用, 因入院時若就生得, 就連內衣褲都不可穿)
4產婦衛生巾1~2包 “黏貼型”(生完配合網褲用) ,胸圍2個,網衭3~6兩條
5 保溫杯, 拖鞋, 面巾, 牙刷, 牙膏, 廁紙, 盒裝紙巾, 洗面奶, 面霜, 洗頭水, 沖涼液, 酒精, 沖洗bottle 等日用品 (有些醫院需自備一個熱水樽)
6 紗巾數條(事先要洗軟 / 餵奶墊住用), 小膠盆一個, 棉花一包 (清潔嬰兒臀部時用), 凡士林 (保護bb pat pat)
7 有些醫院要自帶嬰兒和尚袍 (並請標記孕婦姓名, 因怕姑娘推去沖涼時搞亂)
8 產後房床邊小柜上層可上鎖,如有需要,可以自備鎖及匙
9. 屈x氏有頭髮干洗劑賣
其實有很多物品,便利店及醫院復康店有售,所以可以隨時買到,而且如有需要可請家人在外面買來
bb衫及你太太的出院衫, 可出院才帶去(內衫,和尚袍,長袍,羊毛衫(如凍),大毛巾/褸被,BB要包被,手套,腳套,連身衣等, 視乎需要

其實有些我覺得唔需要，所以就唔會執埋，因屋企同醫院都近，如真係無，就叫老公帶黎，現在欠個大袋，將d野pack哂入去，老公有講過，不如pack入個d紅白藍(其實我地個陣在迪迪尼買左個米老紅白藍)或一個細喼入面，但我有諗過，會否太誇張，我諗住問下細細佬，看看佢有無d大袋先

而我又想問，咁我唔沖得涼或洗頭或唔可以掂水，我個d洗頭水、沖涼液同洗面個d係咪唔使帶？同埋我望過，醫院買個d野，超貴，所以我千叮萬足叫老公唔好係醫院買野，因個次見到，一包hugger既nb尿片，平時無特價萬寧個d都係買$45左右，但醫院就買成$80左右，真係................搶錢架

以下係鳴謝Leader、美人、貓仔送的BB床上用品，我地格過哂價，這SET係護協最平，$400不用，我地試過在吉豬島望過(已ON SALE)，都差唔多要成$500呀

AMOR膠尿墊(大) $65 AMOR無花紗巾6條裝 $28一包

SIMBA專利衞生奶粉盒 $39 PIGEON消毒奶鉗 $33

PIGEON單保溫袋 $23 高潔絲產婦巾扣帶10片裝 $18

現在我常想，我仲有無乜要預備呢？

2008年7月21日星期一

BB成長- 第33週

本週身體及胎兒變化情形

目前懷孕 33 週 0 天，預產期是 2008/09/08 ， 48 天後您的小寶貝就出生了。
妊娠 9 個月（33～36週）
胎兒成長
胎兒身長：約45公分
胎兒體重：約2400公克(約1個西瓜的重量)
母體正常變化
子宮底高度：32～38公分
羊水量：1000CC
第33～36週　　循環、呼吸、消化及性器官功能成熟
1. 皮下脂肪增厚，皮膚沒有紋路、呈粉紅色。
2. 頭髮長出很多，手腳指甲快速長長。
3. 胎毛逐漸減少。
4. 循環、呼吸、消化及性器等器官功能發展成熟。
5. 可接受外界聲音，可從表情看出快樂或不快樂。
6. 胎位固定並下降，超過36週胎位還不正的胎兒，要再轉回去的機會就微乎其微了。
第33～36週
1. 子宮日漸膨脹造成的不適，令孕婦愈來愈難過。
2. 子宮位置開始下降。
3. 子宮出現無痛性收縮。
4. 頻尿、尿失禁、便祕、腰痠背痛的情況更加嚴重。
5. 反胃、胸口鬱悶的感覺強烈。
6. 容易感到喘、心悸、疲倦。
7. 易有產前憂鬱症產生。

平平安安又一weeks，YEAH，身體情況尚算可以，唔知係BB頂住我個胃、昨晚不夠瞓定係AUDIT問題，今天竟然嘔左2次，好在現在無乜事，但我已經平常心去面對一切，唔知這些是否叫無形壓力呢？

7月10&17號上了聯合的陪產班，第一堂係講點生產同選擇無痛分勉個D，而第二堂就係教我地點呼吸，以前好細個時，媽咪已經比過我睇過明珠台播的"懷孕+生產"過程，睇一個女人係點生產，其實已經有哂心理準備，但當第一堂看到個D圖片，唔好話老公，連我自己睇到已經毛骨悚然，個一刻開始有驚既感覺，可能越近生，個感覺越大呢，之後自己腦海就出現好多問題