BB成長 - 第31週 + 柏慧豪園

目前懷孕 31 週 0 天，預產期是 2008/09/08 ， 62 天後您的小寶貝就出生了

仲有62日就係預產期啦，眨下眼就到啦，好似突然間時間過得好快咁，現在開始會發惡夢，都係發D自己早產及D野乜都未執既夢，同埋唔知係咪越近生，心情好似.............可能諗多左同埋加上公司要auditor，所以就開始發惡夢了，呵呵呵

不過最感恩的一件事，係3月尾結數的2間公司，都會下下星期開始audit，這個係我求之不得的，因平時不可能咁早，我都不斷禱告，希望搞掂哂公司audit既野先安心生仔，真的感謝主，auditor看錯左我地係12月年結，所以約左7月中黎，真係將錯就錯，感謝主啊，當明天上司由台灣個邊打電話回來，我便可以開始做年結，再入新既數，雖然距離audit時間係有些緊迫，但我寧願這樣，都唔寧願我生之前都未搞掂

星期六，入左去柏慧豪園，我的老死新居入伙，嘩，天水圍，對於我這個大肚婆黎講，確實遠左些，來回用了3個小時，坐車坐到方大哥都呆滯

不過那裡確實好靚好靚，因老死現在係2人世界，所以屋企都係以白色為主，2個人600幾呎，真係好大，同埋這裡係長江實業既樓宇，佢地入伙時，所有電器係包哂架，仲要送左"宜家"傢俬既優惠券，真係好正

這個便是我31週既大肚照

這個書櫃係"宜家"買架，我都有份看架，2個人既野真係唔太多，所以可以有好優雅既feel，而電視機未送黎，將會換超簿電視，諗起都正啊

洗手間 - 查實好有酒店feel

洗手間 - 左手邊既裝飾係我老死自己diy，右手邊個d，係入伙時已經包埋，長江真係好豪呀

廚房 - 有個私人空間，就好有心機整好多野食架啦，比我的話會開心到爆，所有櫃，雪櫃個d，乜都係包架，羨慕死我啦

客廳同飯廳中間 - 查實老死由細到大，都好有設計天份，好有自己個種獨特眼光，所以由細到大，我都好放心比佢陪我買野，呵呵呵，真係簡簡單單既畫，已經可以將屋企，弄得很美觀，給人感覺很舒服

而當日在露台望出去，已經見到咁靚既天氣，老死仲話晚上仲靚，其實當晚我地食完飯，都有返到去坐一坐，但個陣掛住睇，忘了影相，同埋佢住既係40幾樓，所以望出去個景都好正，不過若然有畏高的話，都係幾驚架，露台仲有張椅子，真係好舒服好舒服，晚上仲可以看到星星，超正

而當晚到家，就收到由惠氐寄黎既bb野，惠氐有好多野送，都係cyan話我知，因太多BB會，都唔知自己入過邊間bb會，呵呵呵

大家有左BB而又未參加的話，都可以入惠氐架，因佢地既迎新禮物有好多呀，我既C9仔又出現啦，哈哈哈

1. cc樂嬰兒潔淨乾棉及濕棉試用裝

2. 育嬰小冊子(據不同階段寄上)

3. PURE YOGA 7天內免費YOGA課堂3節

4. 迪迪尼美語世界歌曲CD / 金裝DVD

5. 香港體檢 - 免費空腹血糖測試

6. 世界媽媽優惠卷

7. BABY-MO育嬰雜誌

8. 惠氏媽媽均衡營養飲品

BB成長 - 第30週

本週身體及胎兒變化情形

目前懷孕 30 週 0 天，預產期是 2008/09/08 ， 69 天後您的小寶貝就出生了。

好開心，今天是照超聲波的日子，終於BB無玩神秘，但其實自己聽到醫生講的也很意外，因好多人話陀囝同陀囡既特徵，同我完全係相反既，我也看過CYAN同EMILY既計算生BABY既圖，我個好友既媽咪所計算的，都係計算得一模一樣，所以我一心都想著自己係會生囝囝既，是也，照到的是..................BB囡

但老實講，真係要等生左出黎先知，因我知超聲波唔係100%準既

而大部份人話：陀囝的話，媽咪會樣衰D、又爆瘡、皮膚又唔靚，又嘔得勁、個肚又尖、肚臍凸........................；相反陀囡的話，媽咪D皮膚又靚、又會精神亦亦、又唔會嘔得咁辛苦，個肚又會圓D、肚臍凹..............................

確實，我既徵狀，真係全部唱反調，唔知係咪初頭嘔得勁，加上身邊既朋友又這又那，聽得太多，我自己都覺自己係生囝架，哈哈哈

但傳統思想既我，其實第一胎係想生囝囝，而第二胎先係囡囡，老公就剛相反，佢話囡囡會乖D嗲D，會帶住細佬，某情況下，都有少少壓力架，雖然99同阿媽係話無乜所謂，反而佢地好開通，話囝囡都一樣，只要健康就得，查實都係既，聖經都有講：兒女是神所賜給我們的產業，我們有的，是神所賜，我應該好好去珍惜同享受，其實之後諗番，囝囡都一樣，只要健康、無大病、乖、孝順，就已經好滿足了，嘻嘻

今次主要係照BB個腎，感恩的係一切正常，生長既SIZE都係一切正常，但原來我不經不覺，重左15.6磅了，我見到照BB個頭時，個WEEKS數係比現在的大左3日，莫非係大頭妹一名？

當醫生說BB個頭已經轉左落去，個一刻我即問，咁我咪隨時生得，有少少嚇親，不過今天個醫生比較COOL，我問既問題，答左等於無答，而我回到公司，即問人，原來BB在6個月時，個頭仔已經係可以轉到下面，其實講座有講過，但個一刻，自己好似發現新大陸咁，乜都好似唔知，哈哈，諗起都感到白痴呀

唔怪得現在BB踢我時，感到好有力，原來係佢對腳仔，簡真係王飛鴻既無影腳呀，有時失驚無神踢你一野，真係令我成個人彈起架

現在除了腰痛、膀胱比BB壓住痛，連橫用力踢時既痛，仲有時會呼吸困難，因佢頂住我個肺同胃，有時諗，仲有個幾2個月BB就出世，到時就可以一身鬆，但又好予盾，好唔捨得BB在自己身體個種奇妙感覺，唔知每個媽咪係咪都有我這種感覺呢？

Diamond is Forever Cafe@旺角

店舖：D.I.F.Cafe

地址：旺角通菜街2A-2P鴻光大廈地下F,G,H舖

電話：2385-2899

星期五晚，約了b/s到這間位於旺角既CAFE，我地一行3人，為的是慶祝其中一個弟兄生日，因我們很早便到，一入到去，真的沒太多人，所以我地可自由選擇坐位，我地選了4人坐卡位(可坐4-6人)，之後就點野食了，這間cafe給我的感覺，很光猛很舒服，環境也很乾淨，在旺角鬧巿有這些cafe，確實唔錯，可屬於高級餐廳格局，係個洗手間比較窄左少少，其他一切都令我感到舒服

就是這間了，menu都整得好吸引架

我地3個人，叫左成3個set dinner，每人+15蚊，就可改為酥皮湯，酥皮好好味啊，佢仲跟埋個蒜茸包架，但我影到手震，所以無post出黎

其實叫set時，我自己求其揀左個就去左洗手間，所以，我唔知大家叫的是咩黎架，哈哈哈

這個好似叫三文魚海鮮飯

這個好似叫煙肉闊條麵

這個係我叫的，牛柳粒飯+大蝦天婦羅

杯餐飲都係好大杯架，可以食完慢慢嘆同傾計

我地加加埋埋連加一服務費，成為$344，每人平均百幾蚊，可以坐得咁舒服，同埋三五知己傾下心事，確實係一個好地方，重點係d野食唔差，可以叫好味道架，因我去過其他的樓上cafe，貴到飛起不特止，仲要食唔飽既，相比，這間貴少少，但我地係食唔哂架，下次既話，可以叫散的share黎食都得

不過我建議大家去的時候都係打去book位最好，因我地原先都book左架，只係早到(6:30前已到)無乜人就可以任揀位，我地食完走既時候，8點幾已經排隊排到爆哂，因大家照顧到我係大肚，所以叫我早些回家休息，否則，還可以坐得耐些啊

p.s. Leader謝謝你的照顧，你顧念我的需要，真的很感動啊

BB成長 - 第29週

本週身體及胎兒變化情形

目前懷孕 29 週 0 天，預產期是 2008/09/08 ， 76 天後您的小寶貝就出生了。
妊娠 8 個月（29～32週）
胎兒成長
胎兒身長：約43公分
胎兒體重：約1800公克(約8個葡萄柚的重量)
母體正常變化
子宮底高度：27～32公分
羊水量：約600～800CC
第29～32週　　 聽得到外界的聲音，胎位大致固定
1 進入懷孕末期。
2.此時胎兒漸大，已無法在羊水中自由轉動。
3.能眨眼、吸吮拇指，且可伸長手腳和踢動。
4.聽覺功能幾乎完全發展成熟，對外界強烈的聲音會有反應，使身體隨之回應。
5.手指、腳趾甲差不多已經長齊。
6.皮膚紋路減少。
7.骨骼大致發展完成，開始變得堅硬，唯有頭骨仍保持軟而柔韌，以便自產道推擠出。
8.肌肉、神經伸展得更活躍。
9.胎兒的位置大致固定。 若胎兒的位置非頭下腳上，可採膝胸臥式進行矯正。
第29～32週
1.28週以後胎盤位置仍在子宮下段，且距離子宮頸口3英吋之內，則確定為前置胎盤。
2.妊娠29週正式進入懷孕末期
3.忙碌勞累時會有輕微的子宮收縮（肚子變硬。
4.皮下組織增加。
5.乳房、下腹部、大腿出現妊娠
6.外陰部的皮膚顏色變深
7.皮膚變得敏感，有時腰部四周會發癢。
8.胸口及胃部因為子宮壓迫而有心悸、噁心、腹脹等現象。
9.腰痠的情形仍持續，容易倦怠。
10.傍晚易有下肢水腫現象。
11.鈣質攝取不足者易抽筋。
12.早晨起床手指發麻。

 

咁又過左2/3既日子了，時間過得真係快，已經踏進第7個月了，BB就快出世，我會收拾好心情，作個開開心心的媽咪！

今天是揀樓的日子，但我地昨晚作了一個決定，就是放棄是次的揀樓，大家一定會問WHY，等我解釋下先

1. 由於4-5人單位，已經無哂，無論是彩盈、油麗、葵涌、沙田，所有新樓既4-5完全無哂了，3-4人單位，確實太細，所以揀唔落手

2. 就算舊樓，大少少既單位，也是沒有了，因對舊樓也有一定的要求，所以可以揀的不多，昨日返完聚會，也特登到心水既舊樓走一趙，六個小時的不斷搭車、搵樓，看環境中，真的不合心意啊

昨晚做這個決定時，心裡確實十五十六的，因如果唔揀，就要再等下一次，房署話要等1年左右，但揀了，其實只係大現在住的地方大約100呎左右，即係多一間房，其實考慮過好多因數，唔想2-3年又再搬(如到時再生的話)，所以，到最尾同老公決定，不會迫自己選一些自己都覺得麻麻地既屋，現在還是忍耐一下，等下次既機會啦

雖然今次揀唔到，但心裡也很感恩，因我經歷的，確實超過我所求所想，姊妹們的說話，令我很感動及有支持，今天心情不太好的，但感謝主使我身邊有好好的姊妹，雖然不能見面一齊祈禱，但，在MSN中，有姊妹為自己代禱，確實感到很甘甜，同埋不止教會中的B/S，連身邊也有很多朋友關心，所以，真的讓我感受到溫暖啊