觀塘浸信會開放日@2011

記得上一年
黎這間學校既開放日
就係幫阿囡拎入k1既表格

今年
係k1學生
一早就收到老師派既入場券


按上年經驗
我地就知去邊到玩左邊樣先

首先去左玩
"角色扮演"
無乜野可以揀
就揀女警啦

估唔到
都好襯喎

之後就去各層
玩唔同既遊戲

我自己最愛這個
叫小朋友講番
神造天地
可能有圖幫助
阿囡竟然啱哂

記得上年
阿囡都唔識玩這些"蒙特梭利"既玩意
但今年
竟然全部玩啱哂
我都好出奇
即刻問番老師
係咪平時返學有教過
老師話都有教的 (但就唔係經常)
這個令我好意外的

最尾去拎禮物
今次去了kawai counter
買左2權大既
送2樽細既
合共$260

臨走時
同跳跳虎影番張相先
應該每年都係咁既報置
嘻嘻



整個過程
玩得最開心既係阿囡
但傾得最開心既係我
因為係其中一層
撞到昕晴既班主任
咁就同佢傾番阿囡上堂情況

阿囡既性格
老師己知
盼望
昕晴會越黎越好
唔好越幫越忙就得架啦
哈哈

小機場大學問2011@空姐

8 OCT 2011

今天參加左一個
由機場搞的活動
(謝謝ABBY媽提醒交表格)


原先報名時
係相約埋2位朋友仔一齊報
點知
大家差唔多時間交表
填埋同一個時間
佢地職員打黎約既
我地3個時間都唔同

無法啦
原先佢仲有機師同特警的
但只有我地
就選了空姐

無記錯
價錢係$209
機師就貴$20蚊 (因為多張相)


是日
11:00集合
要早15分鐘到場拎衫

可能事前無同阿囡講明
所以係現場
昕晴好抗拒

尤其係帶左帽
好似周身唔自在

由於大家都係從E-MAIL通訊
可能電腦發生左D問題
我地好遲先收到確認
所以無時間買黑皮鞋
不過算啦
只係好似無咁PRO姐

排隊入去
昕晴都仲係扭計
好在最尾都肯自己入

睇佢個樣
真係好唔LIKE
嘻嘻

阿囡
下次媽咪會同你溝通得好D架啦 ^^

集齊人
就由"空姐"姐姐帶佢地入去
家長們就有個幾鐘去行下
其實機場無乜好行
我地就去左食少少野
因接阿囡時
就係LUNCH時間
到時又要食

到差唔多時間
就去番集合處接佢地
原來佢地去左另一個也方
今次見到佢拖住"空姐"姐姐
仲好開心咁既樣
相信阿囡玩得好開心

完左
就要拎個喼
排隊拎証書同合照

D喼好靚呀

笑番咪好囉
咁先似番個小空姐架MA

續個續個叫名
我發現
好多個名都有個"晴"字
就算寫法唔同
但都係叫阿晴

難得的全家幅

臨尾仲唔捨得走
擺哂POST比我地影

後記

如果有機會再參加
會同埋朋友仔
填埋同一張表格
(因佢一張表格可以填3個唔同既人或唔同既時間)
如果可以同朋友仔一齊去
感覺會好玩好多
我地做家長既
都唔會咁悶
嘻嘻

Sky 100@圓方

第一次去Sky 100
因為老公有個弟兄係入面做
話比我地聽
有個唔知乜優惠
買張飛就包野飲野食
張飛好似係$7x-8x
(因為唔係我比錢，所以真係無乜印象)
但優惠期有限
出blog日當然係過哂架啦

其實老公想上去好耐
所以今次就走一趙
阿囡就未出發先興奮



今日有伴
大家可以講下湊仔經
阿囡又有bb玩



其實真係好高
如果有畏高
應該都幾驚架

但我地去個日
天色麻麻地
我地係網上見人地影個d相
真係超靚架
(唔知係咪執左色)

周圍行周圍影
昕晴真係好開心
見佢張張都四萬咁既口
就知佢心情興奮

睇番優惠券包既野
只係有幾樣
其實如果就咁買
價錢己經差唔多係門券價錢
所以無蝕到
d野都算ok好味
因為係即整
我地叫既豬仔包
熱辣辣的

 

這張相這個地方
現場睇真係幾靚架
只係我地影得差
嘻嘻

 

後記：

Sky 100
男人去應該會幾like
因為可以影到好靚既相 (天色好既時候)

但我去既話
如果好似今次咁
有優惠既
一去都無防
因為真係只係有一層比你行
無乜野玩
睇景only
都有手信買既
但真係for d國內同胞會買囉

最最感恩的
我地當天唔算多國內同胞
感覺上
都舒服d

學校生日會@9,10月份

第一次參與學校生日會
真想記底
是日係唔使著校服
只要帶個書包
同平時用開既餐具

返到屋企
我先見到
阿囡書包多左好多禮物



完全無諗過
唔係生日主角
都有咁多禮物
真係好開心呀
(阿女8月尾生日，唔知學校會唔會係學期尾個次，比佢做一次主腳呢)

衰妹
叫佢影相
就古靈精怪

熙熙生日party

雖然個BLOG唔UPDATE
家陣仲寫緊舊事
但我都在這裡
祝各位BLOG友
2012年
新年快樂
個個都身體健康
每天都快快樂樂



好
快手寫
2 Oct 2011
今天很榮幸
得到熙媽邀請
參加熙熙的3歲生日會

主角出場啦
生日快樂呀熙熙



妹妹個樣變哂啦

昕晴一見到d波波
即愛不釋手
我地都好快手
叫野食野



食到咁上下
就出去玩 (所有小朋友+1位大朋友)

玩左幾個算激既遊戲
好在有爸爸在
否則我大住肚
都要陪玩
嘻嘻

玩到咁上下
重要環節開始
齊齊唱生日歌
睇下d小朋友幾咁期待

最後m記姐姐
仲送左炋麥旋風比小朋友食
食得好開心呀

最後黎張大合照先
好開心
出年我地就可以儲夠一圍枱啦

每次走既時候
就係最唔捨得既時候



期待下次再見

國慶日@2011

1 Oct 2011
今年好開心
國慶約左成班b/s
係屋企煮飯仔

第一年同這班b/s過
感覺良好
因每個家庭都有小朋友
大家既話題就可以乜都講到



其間發生一件小插曲
事原阿囡係最細既一個
好多時
以昕晴既性格
佢係唔識讓人
例如
佢喜歡bb公仔
就會霸住黎玩

今次
終於有人懲罰佢啦
大家都杯葛阿囡
唔同佢玩



開頭我都唔知
係有次入房見到佢地唔比阿囡上床玩
問番先知乜事
老實講
開頭一聽到
自己有少少唔開心架
但同老公傾左
覺得阿囡要成長
咁就捉左佢出房
同佢講番點解人地唔比佢上床
講完一輪道理
再同番d姐姐講
話佢細個
原諒佢一次
再同番佢玩

幸好事後都ok
阿囡就可以同番大家一齊玩



晚飯後
就行左去一個地方
欣賞國慶煙花
雖然比好多高樓大廈遮住
但能夠親身欣賞
大家都好開心
盼望
將來再有機會
同大家一起

嘩
yahoo blog有改進啦
第一次唔使每度地方都block左
先可以轉色同轉大d字
希望yahoo blog不斷改進
使我地唔使覺得麻煩而唔用啦