Happy Birthday to Fanny '09

今年好開心，因為多左個人同我一齊過生日

每個人的生活方式都唔同，有些人喜歡自由自在、有些人喜歡將工作或愛情放第一位，而我選擇了家庭 - 生BB，放棄左好多野，但...............心裡從來沒有埋怨為何咁快生，感謝神給我這個小生命，令到我的人生有重大的改變

雖然湊小朋友係好大責任&壓力，但聖經說：凡勞苦擔重擔的人，可以到我這裡來，我就使你們得安息(馬太11:28)，在這些期間，我更加懂得怎樣依靠主過每一天的生活，更體會到做人父母的難處，從而更懂得去孝順父母，雖然自己的脾氣很大，還有很多很多的缺點，但我也會努力靠主去勝過一切，求主改變自己，在人不能，在神凡事都能

對身邊的人、無論係老公、囡囡、父母、B/S...............我相信我會更加珍惜，因長時間對住昕晴，有好多野也要別人的幫助，在這段期間，很感恩的我有媽咪在身邊，真的幫了我不少，所以每個人，我相信也要支持身邊有需要的人，而為著昕晴，好多聚會也不能出席，所以很掛念b/s一齊的生活 ^^

近期看了無線的我的2008，心裡有很多感受，有缺憾的人，都咁努力去過每一日既生活，點解我地咁正常，身體無缺憾既人，常常要怨天怨地，這個節目都令我反醒不少啊，盼望能夠常常喜樂、不住禱告，凡事謝恩，知足常樂

媽咪，祝你生日快樂，我就聽哂你話，yeah

p.s.今天係阿依老公keni生日，我在這裡也祝福他們，身體健康，每天都快快樂樂

昕晴生病了4

希望寫埋今篇，昕晴就好番哂，唔使再寫啦 ^^

昨天睇第3次醫生，昕晴明顯比之前好了點點，疴D屎屎都有痰係度，THX GOD！但最搞笑既係，昨天可能大風，帶了佢去醫務所後，佢既面仔開始變粉紅，我就勁白痴以為佢爆血管，我媽就話係爆擦 ^^

過2日就係我既生日，而生日願望就係昕晴、老公、家人身體健康，有病既就快D好番，我所認識的人都能認識主耶穌，阿們 ^^

 

我是一個紅蘋果，又香又甜又好吃

好在只係紅一晚，今朝無哂事啦，YEAH

多謝各位為我代禱，我開始好番啦，唔使擔心 ^^

昕晴生病了3

估唔到，家陣真係輪住黎病，因為照顧阿囡關係，有2晚零晨4點幾5點起身幫佢拍背，等佢嘔D痰出黎，咁我就"拎"野，連自己都攝親

因之前昕晴看個個醫生唔係咁夾，所以今次轉左另一位，這位女醫生，比較細心同解釋得比較詳盡

食了藥，感覺今次好似好了點點，唔會話食左仲衰既感覺，雖然都仲係有痰，但已經無之前咁多了，同埋囡囡會嘔，所以要時時刻刻照顧住佢，明天早上要回去覆診，希望昕晴食埋今次就好番哂啦

謝謝各位提意的"侯祖散"，等食完西藥後，如果再係咁多痰，我會試下比佢食

上面的係我，下面的係囡囡

病到5顏6色既昕晴，個樣好可憐，食藥時更可憐

昕晴食左藥後，好嗲的，見到佢都心痛死啊，而我病住都要照顧囡囡，個黑眼圈同眼袋.............無眼睇

昕晴生病了2

囡囡食了2日藥，有咳水、化痰，仲有一樣唔知乜，但佢食完化痰既粉，D痰竟然出哂黎，佢今日仲咳到嘔，好在佢無喊，否則我怕佢會哽親 >.<

我使唔使仲比化痰既佢食呢？有些迷茫

佢唔識咳D痰出黎，我可以點做呢？

咳到嘔既昕晴，病到呆呆地，好在引佢都仲識笑

昕晴生病了1

昕晴終於抵受不住，生病了

事原屋企人個個都病緊，無論係婆婆、大舅父、細舅父、麻麻、爹哋，媽咪，個個都病緊，所以....................家陣囡囡就係咳、咳、咳，但最感恩的係無發燒

我第一次餵藥水，好在有婆婆教路，否則我真係唔知點搞，用針筒或匙更，都要從口腔側面倒入去，唔可以一次過倒哂，要分2-3次倒入，再餵水，當佢每次喊既時候倒入就最好，因怕哽親佢

昨晚看了婆婆點餵，今早就只得我一個，好緊張地餵著，感謝神，昕晴真係好乖，只係在最尾喊了幾聲，就完成了餵藥過程

盼望昕晴快D好番，因佢病，心痛的是我們，請為昕晴代禱

粟子忌廉立體蛋糕

粟子忌廉立體蛋糕，係用生日月平$100既價錢黎整架，YEAH！

Aroma'So Baking   http://aromaso.com/ 

7寸餅模以烘焙紙包好，焗爐以150度預熱

預備一個長5.5x5.5寸或4.5x6.5寸既公仔圖案

方形海綿蛋糕做法：

雞蛋(3隻)約160g + 水30g + 砂糖50g + 香油2滴，用打蛋機以慢速拌勻

再將低筋麵粉65g + S.P.蛋糕油(即乳化)12g + 泡打粉1/6茶匙 + 鹽1/12茶匙加入拌勻，用膠刮將盆邊之麵粉清理，用快速打至杰身，乳白色

最後加入淡奶12g + 牛油(溶)25g，用膠刮拌勻，蛋糕以180度入爐放中層，全程約焗35mins至金黃色轉用150度

粟子饀做法：

粟子蓉200g + 淡忌廉(打起)50g + Grand Marnier橙酒10g拌勻，放雪櫃備用

裝飾忌廉做法：

甜忌廉(打起)200g + 淡忌廉(打起)80g + 冧酒5g拌勻

卡通公仔做法：

首先將透明膠紙放在公仔上，再用朱古力劃邊，之後按每種顏色將它填滿(白色最尾填)，所有彩色都是用白朱古力+色素溝出的，整個朱古力牌填滿後，放雪櫃備用

出爐後待涼，將蛋糕底面輕輕切去及切成3片，每片約厚1.2cm，再切成所需形狀

將少許忌廉抺於第一片蛋糕上，再唧1/2粟子饀後再抺少許忌廉，舖上第2片忌廉，重覆以上工序一次，最尾舖上第3片蛋糕，於整個蛋糕面、邊抺上忌廉，再放上己劃好之卡通公仔，再在周圍唧花，完成

由於要趕著回家，所以快快手整完都沒有再等其他人便要走了

休息時的小食，每次食這曲奇都感到好味道

育兒4個月

昕晴已經4個月大啦，剛剛去了健康院打針，佢現在的體重為6.86kg，即15磅了，姑娘話佢成長得好好，依然係中大size既BB

唯一美中不足既係話我無乜點同佢訓練手既活動，因姑娘比個搖鈴佢玩時，佢無乜反應，要引好耐先識捉住，其實平時我有同佢玩，見佢有即時捉住我隻手，我就無比搖鈴佢，點知..............原來係要架，仲要比姑娘話我回家無睇書，話兒童既發展，佢地已經寫哂係本書當中，叫我要好好利用

比人話當然有點兒...............那個啦，但我都會比心機，再同昕晴玩多D，因4-7個月，佢要練習坐同平衡，趴係度要抬起頭、挺起胸膛，要用玩具引佢伸手摸...............等等

全職媽媽心聲：

好開心每天也看著昕晴成長，佢每一個動作，每一個笑容，都會令人感到開心，雖然係無哂私人時間，但............也感恩的，因小朋友的成長，係重要過金錢(個人意見)，所以我會好好運用這段時間，不會給自己太大壓力，因為管教也是出於神的手裡，盼望每天也能從神得力，去面對每一個環境

剛剛沖完涼，媽咪你又影我啦，好在著左D衫姐，唔係肉酸死

哈哈，我瞓覺覺豬時依然係青蛙腳架，大脾係咪好肥美呢

爹哋話我對眼識笑，你地話係咪呢？

噢，媽咪又飲檸檬茶，好，等我大個D同你爭飲先得

我係咪好女仔呢？嘻嘻，多謝CAT姐姐送既衫仔