育兒38個月

38個月
=
3歲零2個月


今個月
確實好對昕晴唔住

原因
這個moment
我大約係懷胎2個月
係我嘔到死去活來既階段
每天都感到嘔脹脹
食少少就唔可以再食
再食既就會嘔

所以好多個星期六
都無出過街
就連星期五要返團契的
都無法出席
只有星期天
返完主日
就回娘家休息休息
從而飲番多d湯水
(雖然自己都有煲，但阿媽個d，永遠係最好味的^^)

所以今個月
係影得最少相
出得最少街既一個月

但我也很感恩
雖然困在家
但昕晴都會自得其樂
雖然常常都會叫我陪玩
但當我解釋番
媽咪身體既問題
阿囡都好識做
自己同公仔玩
抵錫

同埋與daddy既感情
有增無減
因為陪阿囡的
主要係daddy
我做既
只有休息休息再休息



真係第一次無乜紀錄
盼望往後日子
會更好

第一次見紅

28 OCT 2011

今天真係嚇到我C
人生中
第一次見紅
因為昕晴個胎未試過
聽就聽得多
但原來發生係自己身上
先知道及明白
當中係有幾咁驚

這天像平時一樣
送完囡囡回校
買哂餸
搞掂哂屋企野

諗住去個廁所
就抺到有血
個刻真係心都跳埋出黎
以為係咪BB有乜事

即時CALL老公及媽咪朋友
相討後
最尾選擇入急症

開頭擔心既
唔係自己
而係排急症
唔知等幾耐
因為無人幫手接囡

但好好彩
有個媽咪朋友試過相同情況
佢話急症會好快
咁就試一試

去到急症
同接待處話見紅
由等到走
大約一小時 (真係超感恩)

開頭醫生講得好嚴重
(我估佢係講到最壞情況比我聽)
話如果CHECK到下面有鬆既話
要即時拎個BB出黎

個刻
差D想喊
我只有不斷祈禱
因為未試過
又比醫生咁嚇一嚇
真係好無助架

醫生幫我做左個婦科檢查
再照埋超聲波

感恩感恩
做完婦科時
醫生己話無問題
再CHECK埋超聲波就得

最尾問醫生
做乜會有咁情況
醫生就話好多原因
叫我回家休息多D就得

睇完仲有時間去接阿囡
THX GOD

回家後再講比身邊人聽
個個都話
唔好抱阿囡
唔好拎重野
要訓多D
可能唔夠營養
要飲多D湯水等等

所以個幾日
乜地方都無出
就只有訓覺
感恩的係出事當天係星期五
之後有老公幫手照顧阿囡
咁休息多左
感覺好左

因唔可以粗勞
所以再返學時
即刻向學校詢問有關校車事宜
也很感恩
排左半個月
就可以搭到校車
咁我就多D時間休息

雖然唔捨得送阿囡返學
但身體要緊
無法

觀塘浸信會開放日@2011

記得上一年
黎這間學校既開放日
就係幫阿囡拎入k1既表格

今年
係k1學生
一早就收到老師派既入場券


按上年經驗
我地就知去邊到玩左邊樣先

首先去左玩
"角色扮演"
無乜野可以揀
就揀女警啦

估唔到
都好襯喎

之後就去各層
玩唔同既遊戲

我自己最愛這個
叫小朋友講番
神造天地
可能有圖幫助
阿囡竟然啱哂

記得上年
阿囡都唔識玩這些"蒙特梭利"既玩意
但今年
竟然全部玩啱哂
我都好出奇
即刻問番老師
係咪平時返學有教過
老師話都有教的 (但就唔係經常)
這個令我好意外的

最尾去拎禮物
今次去了kawai counter
買左2權大既
送2樽細既
合共$260

臨走時
同跳跳虎影番張相先
應該每年都係咁既報置
嘻嘻



整個過程
玩得最開心既係阿囡
但傾得最開心既係我
因為係其中一層
撞到昕晴既班主任
咁就同佢傾番阿囡上堂情況

阿囡既性格
老師己知
盼望
昕晴會越黎越好
唔好越幫越忙就得架啦
哈哈

小機場大學問2011@空姐

8 OCT 2011

今天參加左一個
由機場搞的活動
(謝謝ABBY媽提醒交表格)


原先報名時
係相約埋2位朋友仔一齊報
點知
大家差唔多時間交表
填埋同一個時間
佢地職員打黎約既
我地3個時間都唔同

無法啦
原先佢仲有機師同特警的
但只有我地
就選了空姐

無記錯
價錢係$209
機師就貴$20蚊 (因為多張相)


是日
11:00集合
要早15分鐘到場拎衫

可能事前無同阿囡講明
所以係現場
昕晴好抗拒

尤其係帶左帽
好似周身唔自在

由於大家都係從E-MAIL通訊
可能電腦發生左D問題
我地好遲先收到確認
所以無時間買黑皮鞋
不過算啦
只係好似無咁PRO姐

排隊入去
昕晴都仲係扭計
好在最尾都肯自己入

睇佢個樣
真係好唔LIKE
嘻嘻

阿囡
下次媽咪會同你溝通得好D架啦 ^^

集齊人
就由"空姐"姐姐帶佢地入去
家長們就有個幾鐘去行下
其實機場無乜好行
我地就去左食少少野
因接阿囡時
就係LUNCH時間
到時又要食

到差唔多時間
就去番集合處接佢地
原來佢地去左另一個也方
今次見到佢拖住"空姐"姐姐
仲好開心咁既樣
相信阿囡玩得好開心

完左
就要拎個喼
排隊拎証書同合照

D喼好靚呀

笑番咪好囉
咁先似番個小空姐架MA

續個續個叫名
我發現
好多個名都有個"晴"字
就算寫法唔同
但都係叫阿晴

難得的全家幅

臨尾仲唔捨得走
擺哂POST比我地影

後記

如果有機會再參加
會同埋朋友仔
填埋同一張表格
(因佢一張表格可以填3個唔同既人或唔同既時間)
如果可以同朋友仔一齊去
感覺會好玩好多
我地做家長既
都唔會咁悶
嘻嘻

Sky 100@圓方

第一次去Sky 100
因為老公有個弟兄係入面做
話比我地聽
有個唔知乜優惠
買張飛就包野飲野食
張飛好似係$7x-8x
(因為唔係我比錢，所以真係無乜印象)
但優惠期有限
出blog日當然係過哂架啦

其實老公想上去好耐
所以今次就走一趙
阿囡就未出發先興奮



今日有伴
大家可以講下湊仔經
阿囡又有bb玩



其實真係好高
如果有畏高
應該都幾驚架

但我地去個日
天色麻麻地
我地係網上見人地影個d相
真係超靚架
(唔知係咪執左色)

周圍行周圍影
昕晴真係好開心
見佢張張都四萬咁既口
就知佢心情興奮

睇番優惠券包既野
只係有幾樣
其實如果就咁買
價錢己經差唔多係門券價錢
所以無蝕到
d野都算ok好味
因為係即整
我地叫既豬仔包
熱辣辣的

 

這張相這個地方
現場睇真係幾靚架
只係我地影得差
嘻嘻

 

後記：

Sky 100
男人去應該會幾like
因為可以影到好靚既相 (天色好既時候)

但我去既話
如果好似今次咁
有優惠既
一去都無防
因為真係只係有一層比你行
無乜野玩
睇景only
都有手信買既
但真係for d國內同胞會買囉

最最感恩的
我地當天唔算多國內同胞
感覺上
都舒服d