復活節Day 1@2011

wahahahaha

自己update緊

先知隔左咁耐先寫

真係

算吧啦

唔update就唔update啦

遲寫好過唔寫

嘩哈哈

 

今個復活節

唔想浪費

4月頭已經set哂fb問大家

約出黎相聚下

 

未出發

阿囡整番套 "女拳"先

其實無乜點睇

但唔知點解學得咁快

今次

4位小朋友既年紀

都相差好遠

最大既7歲、5歲、2歲8個月、1歲8個月

而男仔玩開既野

阿囡都無乜點玩過

今天

竟然比條假蛇嚇到勁喊

真可憐

而媽咪們

就大談湊仔經

本身既我

都唔算好積極既人

所以對於讀書學野方面

都會採取自然法

陪佢讀

陪佢玩

唔會太迫阿囡

要學乜學乜

只要從玩當中

學過就算

(可能我太hea啦)

但

同媽咪朋友傾番

就發覺

現在既

幼稚園、小學

就要好take care佢地既課外活動

等佢地將來揀學校會好d

(真係明白的)

 

K2就要去學

甚麼"珠心算"、"公文數"

(OMG，聽就聽過，但係咩黎我都唔多清楚)

到小一

就要學好多野

如跳舞、英文、國語、彈琴..................等

仲要學個D

最好係幫到學校出外比賽

從而在操行分上

取得更好既成績

可能

我自己唔係d讀書好叻既人

聽到我

真係有d驚

同埋我覺得

現在既小朋友

真係好陰公

 

平時做功課

已經做到好夜

星期六日

仲要加緊用功

為了應付平日既默書、測驗

家長們

都要迫佢地

學這樣學那樣

或許

現在既社會情況

迫使家長們要咁做

大家都無辦法

個人意見

都係個句

讀書點好點叻

都係次要

小朋友既品德

先係最重要既

 

所以聽到我的媽咪朋友既理論

都覺得

現今既家長與小朋友

好可憐

 

盼望將來

可以同阿囡

開開心心咁學習

多鼓勵

多讚嘗

多關愛

相信比強迫

來得更好更自然