今年真係超多免b呀
今次探的
就係張氏夫婦既bb
咪講少
似Daddy似到十足十
好男仔樣架
每次
都好愛影這些相
小小的手仔
小小的腳仔
因為唔影
好快就長大架啦
Hello
你真係好似你爸爸呀
仲識O咀
真係想錫啖你呀
當抱住小b
再對比番昕晴
真係分別好大呀
又扮人地
一家4口
嘩哈哈
每次探b
都會有好多感受
好多時都會回想起
剛剛生完阿囡既情況
好懷念佢細個時既樣
好enjoy每天都可以對住阿囡
雖然日日都會激到你嘔電
但
好享受
同阿囡一齊既日子
感恩！感恩！
在此
祝張小b
快高長大
身體健康
聽教聽話
體重：31磅
身高：97cm
片片：XL
由於已經有乜食乜，牙仔又出齊，好多野都可以不用記錄了，一直都無記底片片既size，阿囡係近這個月先轉XL碼
32個月
說話能力超強
好多語氣上
都學足大人
尤其係我
平時講野
唔係阿囡學番
我都唔知自己係點
例如
我會指住佢(ONLY阿囡)
話佢既不是
話佢唔應該點點點 (訓話時)
有一次
昕晴學番我既動作
係度指人 (其他人)
咁我就stop佢
話佢無禮貌
唔好手指指
指住其他人
話完之後
當我再指住佢
佢就會問我
媽咪，你指我呀 (O左咀)
你做乜指我呀 (即諗計仔點兜)
即轉軑話 (好在佢無話我無禮貌)
我唔係指你 (查實我指住叫佢自己上廁板)
係叫你姐
同埋即用5隻手指
一齊指向佢
好似邀請佢既手勢
另一樣
我平時罵佢
或想佢stop某d野
都會不自覺地
"唧"左一聲先
再話佢
近期也發現
阿囡學埋我這個動作
仲係有意無意
係咁"唧"、"唧"、"唧"
真係OMG
學到十足十
有時D助語詞
都學得一模一樣
好似我會講
我：我都話左你架啦
成日都係咁
阿囡現在好多時
會用左 "都話"這2個字
不過
學左唔好
都有好多好野既
平時我對其他人
都會有好多個
真係唔該哂、THX、HELLO等等
阿囡都會跟足
試過有一次
我地搭開個D"亡命VAN"
(即紅VAN)
個司機都好燥下
人地落遲少少
都爭D講粗口罵人
當差唔到叫落車
昕晴就不斷講
唔該哂司機叔叔
在倒後鏡見到個司機
都笑笑口
查實
我抱住昕晴 (老公不在)
敏捷地落到車都有少少難
我都怕比司機話
但個次
司機好好咁
等我地落哂車先慢慢關門
所以
好聽既說話
確實令人開心D既
仲要出自小朋友既真心話
其實好既野
當然唔怕佢學
但唔好既野
都唔想佢學得咁足
我
都真係要改變自己
說話既情況
好多時
當我話佢既時候
好多助語詞都出左
有時自己真係唔發現
但
阿囡講番出黎
就好似曾相識
原來個D說話
係出於我把口
自己都無為意
做家長
言行舉止
真係要做得好好
今次真係要加把勁
努力努力
改掉唔好既習慣
嘻嘻
復活節last day
原本
相約了姊妹
去觀塘個間Playtown玩的
上網睇過
佢地網址係照常營業
當我地去到
諗住排隊搭lift上去
樓下個服務員
先同我地講
佢地搬左去西港城
OMG
老實講
當時真係好迷網&好慶
你咁大間野
如果搬左(執左)
都應該在網址度講聲
唔好等人
山長水又遠
去到先話搬左
(我地估係執左囉)
佢地樓下
仲有招牌係度
無拎走架
激C人
我地對Playtown極度失望囉
之後
唔想阿囡佢地失望
咁就即飛的
去左Mega Box既Playhouse
雖然場地係細少少
但
起碼有得入去玩
又係無限出入
午餐去左IKEA
佢地個度既CAFE
真係好啱一家大細
我地3大2細
叫左好多野
都係好平
IKEA真係平靚正
話咁快
4天紅日就過左啦
真係好enjoy
同好耐無見既朋友聚一聚
談談心事
談談近況
