長洲一天遊@2011

年初三

想一家人出外走走

難得的一天假期

就入去長洲行下啦

 

好開心

好似去旅行咁

上船前

仲買左大大隻雞脾上去食

yummy

可能人多

見佢地開左好幾班船

心諗

算啦

橫掂都打算入去行陣

多人就多人啦

一落船

真係

周圍都係人

仲要每度地方

都要排隊買野食

真誇張

最搞笑 & 最開心

竟然撞到弟兄姊妹

仲要係2對夫妻

呵呵呵

昕晴幫我地慳左少少車費

謝謝各位既利是呀

一路行

一路食野

但

有d真係排得太勁

我地就無排了

行左去海邊

阿囡好開心

係都要落去玩沙

好啦

玩一陣啦

其實阿囡附近

係好多人的

估唔到咁既角度

可以cut走哂d人

good

玩完沙

就玩兒童公園

再玩

間唔中

行下海灘

真係好舒服架

(唔多人仲好啦)

再行返出去

諗住去另一邊

終於無咁多人

這個大大粒魚蛋

無記錯

D人叫佢做

"大波魚蛋"

估唔到

阿囡超愛

仲要Encore

去到某個位

見到人地釣魚

阿囡又話要玩

但我地話

行完返黎先啦

佢就坐係人地隔離

影相

好搞笑呀

之前入長洲

都無行咁遠

原來落船既左手邊

不停咁行

就係單車徑

見到好多人

成家大細係度踏單車

我地就諗

如果再有機會入去

可能都會試下玩

行返出去大街

又未到食晚飯時間

就諗住早D搵野食

唔想又係迫迫迫

行行下

見到這間

英皇茶餐廳

咁就坐低試下

我相信

最主要

係佢地個杯凍飲

吸引左我

行到熱C辣辣

最好飲番杯凍飲

真係人生一大樂事呀

叫左飲品

再加2碟飯

西炒飯同焗豬飯

食完第1碟

已經有飽既感覺

唔知係咪掃街掃得多呢

嘻嘻

第2碟

食得一半咋

我地真係SIDE野呀

昕晴好努力

唔使我地餵

但就食到人地

通枱通地都係飯

不過算啦

每個小朋友必經階段

見到長洲

每樣野都好細

連救護車

都細過人

好可愛

好似IQ博士入面個D呀

食食下

唔知佢發生乜事

係度喊

(其實係我忘了)

哈哈

頭髮幾長

轉個頭

又笑哂口

女性真係善變呀

去到日落西山

就係我地走人既時候

因為再夜D走

又係同人迫迫迫

偷快的一天

一家人

齊齊整整

就係最幸福的

有機會

會再去過的