昕晴@2歲生日

31 Aug 2010

 

這天

係昕晴2歲生日

由於婆婆正日唔得閒

我地就早一天

去婆婆家慶祝

 

真係

著左咁靚既裙仔

個衰豬樣都係咁男仔樣既

OMG

昕晴見到蛋糕

真係好開心

一年前

仲未識對住鏡頭影相

一年後

就可以正正經經

同婆婆&公公一齊

影番張靚靚相

能夠與家人一齊慶祝

確實係好開心

而正日

老公請了半天假

我地一齊上山頂

 

首先到香港站個邊

搭1號小巴上去

今天終於著左一年前買的親子裝

但阿囡個件

依然係好長

仲有

著左勁似男仔

一上到去

天氣一般

但無落雨

已經好感恩了

要阿囡一齊影相

比較難

因佢第1次上黎

比好多野吸引住

勁多動作

古靈精怪

仲要扮哂野

唔肯上鏡

Daddy影得好型仔喎

呵呵呵

似ALL大大中

之後

諗住上去凌霄閣

唔知幾時開始

上去要比錢

成人要成$25

其實要比錢

我地已經唔想上

仲要天氣唔算好清

咁就慳番

 

落番去

就去左Burger King

阿囡急不及待想食

相都唔願影

飽飽後

係Burger King外

都影到少少山頂景

之後就去左公園玩

阿囡玩得超開心

個日仲見到楊婉儀

估唔到

真人靚過上鏡多多聲呀

唔怪得係港姐冠軍啦

再之後

比我地發現左這個地方

係公園樓上(3樓)

原來這邊影過去

都可以好靚

全家幅

個度仲有得睇望遠鏡

搞下搞下

差唔多要落山了

見時間尚早

就回家後先食晚餐

最尾決定

係家樓下既茶餐廳食飯

仲要無買蛋糕

只係買左個芒果布甸比阿囡

我相信昕晴唔會介意既

簡單就是幸福

唔需要搞太多野

一家人

簡簡單單

一齊食餐飯

已經可以好滿足

昕晴豬

媽咪&Daddy在此祝你

健健康康

快高長大

聽教聽話

將來做個有品格既人

We love U