2010台灣之旅Day 1.2

上回講到

我地搭左船去左

漁人碼頭睇日落

等待期間

昕晴就比D狗狗吸引住

每逢見到有狗仔

就會手指指

表現得好開心

好興奮

但係

一行近D狗仔既時候

阿囡就會表現得好驚

方C人地會咬佢咁

狗仔主人好熱情

叫狗仔向昕晴打招呼

點知阿囡驚到即喊 (太唔似佢啦)

嚇親人地婆婆tim

真係失禮哂

等等等

終於見到好美麗既日落

雖然多雲

見唔到成個咸蛋黃

但已經好靚了

開頭都有擔心過

如果落雨

仲去唔去淡水

 

有好友提點過

如果真係落雨

就唔好去

因去到都無野睇

感謝！感謝！

超靚

淡水日落

已印係我地心裡

阿囡都睇到眼定定

睇到咁上下

知道等到佢落哂山

都唔會見到咸蛋黃

咁都係差唔多時間走人

 

走時

又試下這間阿給魚丸

NT$40得3粒

真係貴左D

同埋唔太好味

食完魚丸

再看看

另一邊橋

原來有射燈的

考令啊

 

而在阿給魚丸附近

有間BAR

環境應該好舒服

如果有時間

都可以入去坐下RELAX下

個度會有個女仔係度唱LIVE

好好聽啊

之後

就等船番淡水行街

 

全體合照

難得阿囡對鏡頭

但我影高左

呵呵呵

查實坐近窗口邊

都幾大風

吹到昕晴個頭都變哂形

我有問過阿囡關唔關窗

但佢就話唔使

仲好enjoy咁看風景

話咁快就返到淡水個邊

阿婆鐵蛋

唔使睇天書都知係必買的

NT$100一包

其他地方都有得買鐵蛋

仲平D

但唔知係咪無咁好味既呢？

有人介紹過這間"可口魚丸"

我地再買黎試下

這間NT$30已有4粒

好味 + 抵過

漁人碼頭個間

行到咁上下

係時候要坐D有冷氣既地方

休一休

我地叫左珍珠奶茶

確實係唔夠香港個D好味

但都OK

這個唔知乜冰

係老公的

夏日炎炎

食D冰既野就最正

當行番出去

原來淡水都有個小型夜巿

個度唔算太多人

幾好行

 

途中

仲見到這個哥哥仔

唱"愛如潮水"

又係超好聽

好想叫佢黎香港參加"巨聲"

必定有大把粉C呀

原來台灣都好多猛人既

走既時候

我地先知

原來由捷運站

沿Mister Donut方向行去7仔

就已經係夜巿

早之一早行這邊啦

再之後

我地就坐捷運去

劍譚站既士林夜巿

掃街！掃街！再掃街！

yeah！

又係太耐無黎過

之前我地既記憶中

行街個邊

係有好多野食的

點知

搵極都搵唔到

中途又多人又熱

我地隨街買野飲買野食

都忘了影相

行到咁上下

先見到另一邊

係專門食野既地方

OMG

我地太......................失策了

不過算啦

DAY 2一定一定要帶埋地圖同天書

 

士林夜巿

有好友話

必食既係豪大大雞排

大腸包小腸

胡椒餅

etc

由於都較熱

同大家都累了

所以買左d食物

就攞番酒店

嘆住冷氣一齊食

劍譚站到台北車站

真係話咁快就到

我地上到捷運站

先發現

原來人地有寫明

美食廣場

我地真傻

大家千其咪學呀

如果要食野先 (全部都係食野既)

一出閘就行左手邊

要行街買野 (都有野食買既)

一出閘就行右手邊

我地以後都會記住架啦

好在我地有3個大人

每樣野我地只買一份

大家share食

否則

真係食唔到咁多野呀

 

而昕晴

我就會買d啱佢食既野比佢

同埋佢都會有奶飲的

所以唔驚餓親阿囡

 

晚上

大家食完哂

搞掂埋阿囡sleeping

就相討第2日行程

 

Day 1總結

台灣真係變左好多

(我十幾年前去過架)

而捷運

都會去到好多

主要既名勝地方

咁去邊度都係咁方便

 

而捷運站會有洗手間

大部份都會有bb換片既地方

雖然無日本咁乾淨

但已經算唔錯

起碼有個地方換片

對於我地帶小朋友黎講

係好好的了

Day 1話咁快就完

由於太累

大家都好快入睡

 

Day 2待續