8 Aug 2010
好開心
老死既仔仔
終於出左世啦
因為佢家與我娘家同屬一區
個日去完3V Gathering
回娘家時
就走一走去探望下契仔
出世9日人仔
昕晴與bb初次見面
阿囡好興奮
仲擺哂post
比我影相
佢地最大既分別係
一個好大粒
一個好細粒
昕晴見親bb
就會忍唔住
係咁錫錫錫
唔知
將來有弟弟或妹妹既時候
係咪一樣咁錫弟妹既呢？
真係好細粒呀
仲好輕tim
可能抱慣昕晴
所以契仔一上手
感覺好輕
個日
契仔比我地
搞到無得訓
昕晴仲上埋契媽張床
係咁同bb玩
影影下
先發現
原來要生2個
先會影到d咁sweet既相片
好懷念昕晴細個既時候
細細個既bb
真係唔使勞氣
阿囡契媽
你要休息多d
係坐月期間
要多食補野
阿b
將會越黎越(唔)好湊架啦
呵呵呵
要講反話架
祝阿b
一切都健健康康
唔使你咁擔心
昕晴近期病左
等佢好番哂
我地會再沖上黎架啦
好
再黎
3V Gathering
是日安排
謝謝06 & ICE
謝謝你們為我地安排個咁正既地方相聚
眨下眼
大家已相識3年有多
今次
有成3個B出現
(其實仲有好多3vb未出現)
遲d
真係希望我地既人數
越黎越強勁
小b1號 -大眼瞳
對眼真係勁似Daddy
大到..................羨慕c隔離
小b2號 -珧珧豬
笑容勁可愛
是日最愛
自己隻手手
同枱上既食物
唔小b3號 -小方女
又名為食妹
見到人地有野食
就連阿媽都唔使跟
周圍同人so so
是日
謝謝靚媽 & Jaykan
幫忙照顧阿囡
等我有機會
可以出去拎野食
今餐係半自助形式
頭盤同甜品
要出去拎
而主菜同飲品
就係叫的
其實食頭盤
己食到半飽
估唔到
主菜
都係咁有份量
今次有成5款主菜
我地全部人
叫左4款
肉眼扒
好好味
唔記得乜魚
我無試到
但聽講都係好好味
個汁好fresh
羊脾
我試過
好味唔so
露荀帶子意大利飯 (我叫的)
又係好好味
但d飯
跟本食唔到1/3已飽到嘔
Hea下食下傾下計
d時間又話咁快過左
這裡已經好多榮升為媽咪
希望
未生既
打算生既
快d生番個
等我地人氣繼續旺盛
仲有
黎緊mocha仔快要出世
希望阿仔健健康康
等媽咪唔使咁辛苦
就快快生左出黎
加油啊
近期
實在比太多
唔開心既心情
影響著
係時候
再記底番
開心的回憶
8月初
終於開始上PG了
這裡
係ESD媽咪介紹
9堂$1080
價錢都OK
而最正既係
我家樓下
有架免費巴士
去到上PG個邊既商場
一程車就搞掂
SO GOOD
這班係for 18-24個月既小朋友
而這裡也有幾個
係23個月大的(包括阿囡)
但相比下
原來昕晴
算係好乖個隻 (平時唔覺)
叫佢唔好周圍走
要聽Miss講
跟Miss做野
大致上都能夠做到
每堂都會有主題
有音樂活動
大 / 小肌肉訓練
說話訓練
數學概念
認識英文字母詞彙
美勞
係做勞作既時候
就比較唔專心
而我也沒有想過
個Miss會主動同我講
阿囡既發展
事原
有次做勞作時
阿囡唔太聽話
Miss就叫我要叫佢做
唔好幫佢手
因阿囡係做到的
之後
放學時阿囡問Miss拎糖
Miss就唔比
話佢個日唔聽媽咪話
訓話完一輪
就將粒糖比左我
叫阿囡要乖
要聽話
先問下媽咪比唔比佢食
就係個一刻
Miss好用心同我傾番
昕晴既性格
(只係上左3堂就睇到阿囡係個咩人，勁)
同埋要點去教導佢
我覺得
好少可PG既老師
會咁留意到小朋友既性格
仲會同家長傾番
可以點教
對我來說
真係一個驚喜啊
盼望
自己能更有耐性地
去同昕晴講道理
因現在既小朋友
確實
已經同我地個代唔同了
真係要同佢地
鬥智鬥力
我也相信
大家都係一樣
用心用力去
教好自己個小朋友
我也常常提醒自己
身教係最重要
所以各位靚媽們
奸爸爹
加油啊
因著時間既關係
育兒23個月會留待2歲時才寫
7 Aug 2010
今天相約好友們
為小公主們
開個2歲小型生日會
謝謝熙怡媽
我地又去左佢屋企搞亂啦
昕晴一入到去
當正自己屋企咁
係咁搞破壞
阿囡就好喜歡這個書櫃
無論咩時間
都會將d書攞出黎搞亂
熙怡就好好
懂得分享玩具
仲識擺post比我影相tim
熙怡好叻叻
已識配對
這個hair chair原來可以用咁耐
家陣當睇電視既chair
真舒服
係等待欣庭期間
大家就嘆番包麥精奶
係飲既時候
原來都好安靜既
等到欣庭黎
大家就立即快速開餐
之後先再玩
yeah！
thx熙怡媽
原來元朗個邊
有咁多好野食既
今個午餐
可以食得咁豐富
有日式又有泰式
係我地既至愛呀
最開心既係
小公主們已經大個
佢地食飽飽後
就會自己搵野玩
唔使我地操心
咁我地媽咪們
就可以安安樂樂
一路食一路傾心事
玩到咁上下
就係cut cake既時間
睇下欣庭
對眼係無離開個蛋糕
好搞笑呀
嘩
大家都好期待
今次個蛋糕
係Hello Kitty
Kitty頭係奶凍做的
唔太甜
啱哂我地既小公主
yeah
又到影相時間
好開心
比起一年前
佢地真係大個左好多
大家仲要做埋好多
搞笑動作
真係令到我地開心C
全家幅
好難就到大家都望鏡頭
不過大家都入哂鏡
當影左架啦
呵呵呵
cut完cake
又係到禮物時間
今年很抱歉
未能為大家預備禮物
真係唔好意思
(相片copy欣庭媽)
食飽後
又係活動時間
大家都跳哂舞
好開心
好開心今年又能夠同大家一齊預祝
我相信
將來
我地人數必定有加增
希望到時
我地會有一圍枱既人頭
YEAH！YEAH！YEAH！
在此預祝小公主們
身體健健康康
每天快快樂樂
希望你地都有個樂觀的性格
將來面對任何問題
都能順利解決
雖然講得長遠左D
但講得黎都差唔多啦
黎緊要搵K1
盼望大家都能夠
入到心水既幼稚園
