16 May 2010
今天
相約左好友們
一齊去動植物公園
原先諗住帶bb車
但當我地出們時
發現天色唔多對路
如果落雨既話
揹住昕晴係比較方便
咁同老公決定唔帶車
唔知係咪知道有得去玩
昕晴一早搞掂哂d野
好唔耐煩地等我地
呵呵呵
一早返左教會先
中午再去金鐘等大家
點知
一出到去
已經好猛太陽
大家相議左一陣
決定去食lunch先 (因諗住行完先食)
欣庭爸提議
去左西武樓下既great
個度係食漢堡包 + 粗薯條
yummy
好好味呀
食完hea一陣先起行
好開心大家經歷既問題
都係差唔多
傾下傾下當中
又可以學到野
good
食完
搞掂哂3位小公主
就一齊出發啦
我地3位大懵既媽咪
竟然以為動植物公園
係在金鐘既香港公園附近
仲要一路行
一路都諗住唔會行咁耐
點知
哈哈哈
不過錯有錯著
昕晴一上到去
就要幫襯佢地(香港公園)既育嬰室
否則
唔知去邊到換 (唔想又行番落去)
個度都好靚架
又有sofa餵母乳
真係感恩呀
因為昕晴開大呀
如果無乾淨少少既育嬰室
點換片
yeah
之後我地就由香港公園行過去
睇下
熙怡幾肉緊
唔知佢地講緊乜呢
一見到咁多咁靚既花花
2位小公主已急不及代咁走走走
當然係熙怡勁好多
昕晴家陣先啱啱學人走架咋
無PK已經算好好彩了
其實香港公園都好靚的
但無諗過
會咁熱
同埋一定要用蚊貼或蚊怕水
否則真係會比蚊咬死
我地一路行
感到似上山下海
媽咪們就抱住阿囡
DADDY們就要托BB車
而我地就輪流揹昕晴
真係咪話唔辛苦
原來
香港動植物公園
係近禮賓府個頭
我地真係行到死死下
又落隧道
又行鈄路
仲要上樓梯
好在佢地現在識行
差唔多到既時候
就可以放手比佢地一齊行
但當小朋友自己行既時候
就真係快唔到
因佢地會對周圍既事物都好有興趣
又要行前又要行後
雖然要行咁多路
但見到佢地咁開心
真係乜都值既
又熱又焗既關係
我地都唔算行哂整個動植物公園
只係去左某D地方睇野
勁多猩猩、猴子
各色各樣
小公主們都睇得好開心
行到中途
係時候休息
點知欣庭既小相機
成為我個囡既目標
昕晴：喂喂，你部相機咁型既
欣庭：係呀，媽咪買比我架
昕晴：欣庭，我想借呀
欣庭：唔好咁啦，我都未玩
熙怡：你地2個做乜呢 (肚餓中)
昕晴：嗚.............，無得玩
欣庭：唔好咁啦，等我啜啖你先啦
昕晴：>.<
欣庭：笑番先啦
熙怡：媽咪，飲得未呀
昕晴：黎啦，借比我玩一陣啦
欣庭：UM................等我考慮下先啦
熙怡：仲未有奶奶飲既
欣庭：依，熙怡做乜咁既樣既
熙怡：媽咪，快D啦，餓死我啦 昕晴：借得未呀
欣庭：等我又嗲下熙怡先
熙怡：媽咪，係咪食得啦 昕晴：我真係好想玩呀
昕晴：快D借啦快D借啦
欣庭：噢，我就死啦
欣庭：UM............媽咪話要同人分享架喎
欣庭：好啦，我就借你一陣啦
昕晴：唔該唔該
昕晴：嘩，多謝哂欣庭呀，真係好好影咁喎，等我叫媽咪買番部先
熙怡：YEAH！終於有得飲啦
阿囡真係好鐘意部相機
不斷學人
影影影
見到熙怡媽咁影
又要學人咁影
仲要影埋欣庭TIM
個衰豬樣幾奸
比佢笑死
休息完一輪
就行埋其他地方
大家已經開始跌WATT
昕晴仲抱抱下瞓埋
好不容易
返到去中環
由於差唔多已到食飯時間
大家就一齊搵食
個個moment
只係想飲番杯冰凍既野飲
一路行一路發現我地似去左菲律賓
好多地方都比賓賓佔據哂
唯有在香港站搭一站去ELEMENT搵食
快快手幫小公主們換片片 (個度既育嬰室係超正架)
就去左夏麵館
d野唔錯
幾好味
但就細左少少
由於大家都好累好餓
一d都無影就食哂
哈哈哈
之後就shopping左一陣
便回家了
個度出旺角原來好方便
咁遲d等我地又帶昕晴再去過先
感想：
今次大家都大懵左
如果知咁遠
就會相約在中環等
同埋無諗過
未到7,8月
都可以咁熱咁焗
尤其係要抱住小公主們
真係少d氣力都唔得
大家一致認為
如果再去室外
都係等秋天或冬天先再出動
下次再約
最好都係約係室內既地方
哈哈哈哈
或者等到佢地上左小學
唔使咁樣抱咁樣攞車既時候
可能會再去一次既
到時又已經唔同哂架啦
沒有留言:
張貼留言