2010大板之旅Day 2_part 3

話咁快就去到三段壁洞窟啦

近海地方真係好大風架

各位要去既人仕

真係要帶定足夠既衫呀

 

入場後

要搭電梯落去有成12層樓咁高既洞窟

我地身處

就係洞窟既裡面

D浪真係好大架

見到咁既情況

揹住個囡既我

真係唔敢行過去

因我地見到

雖然圍左繩

但D水都會沖到上黎

唯有行去另一邊

高少少既地方

再影相

洞窟內

又濕又會有水滴

所以盡量唔好帶BB車了 (個人意見)

YEAH

D岩石有其他顏色架

只係我地部機唔夠PRO

影唔到佢地既變化

出番洞窟

外面既景色一樣咁靚架

到此一遊

行番去旅遊巴途中

見到有雪榚

都想試試

BUT

個價錢

就真係好貴

成250 yen

圍番差唔多成20蚊杯

真係試一次算啦

衰妹要自己獨食

我地當然唔比啦

咁就喊哂口

參觀完三段壁

相隔唔使十分鐘車程

就到隔離既千疊夫(音)

又係一靚景

去到時已差唔多太陽落山

好曬

原來這個係睇日落既好地方

但我地趕住食晚餐

就留左一陣

影下相就走了

是日晚餐

好好味架

好似咁多日黎

最好味既一餐

唔食士多啤梨既我

都覺得好好味

係超甜的士多啤梨

這個唔知乜飯

好味呀

上到車

上演左一場so sweet既kiss

返到酒店

休息一陣

就去浸溫泉了

 

我地既策略

係我先浸

搞掂哂再上房接埋昕晴落去

老公同一時間一齊行

 

而問過導遊

小朋友係可以浸

一雙腳咁大把 (好過無)

 

首先都係同昕晴除哂所有野

佢好好奇係咁望望望

所以

如果有小朋友

男既真係最好去番男士個邊

女既就去番女個邊

無咁尷尬

 

因怕阿囡受唔到

都係浸左一陣就走 (室內露天都有浸一陣)

開頭佢怕到喊

之後竟然唔捨得離開tim

返上房

刷埋牙仔

又累到拿拿聲訓著

訓醒又一Day啦

 

Day 2竟然要分成3 part

因為實在太多地方去左

又太多靚相啦

呵呵呵

跟團既好處

就係唔使plan去邊

一上車就go go go

真係一日裡可以去好多地方都得架