終於到左Day 5啦
幾唔捨得
都要離開啦
食左早餐
就去"田崎真珠"睇野
我估係跟團指定動作
但我地對D真珠真係麻麻地
感覺上浪費時間中
這些場合
真係不太適合小朋友
大家聽野時候
昕晴開始扭計
乜都要搞
仲要行去人地出面
見到樓梯又要走上去
我唔比就激喊
當時我做左個決定
就係"的"左佢落樓下
係無乜人既地方訓話
當佢冷靜完先帶番佢入去
講真
我對這些女人野真係無興趣 (比錢我仲實際，呵呵呵
)
好在其他團友都興趣不大
所以留左一陣
就進軍今天最尾一站
RINKU TOWN 購物城
其實唔去睇真珠都唔覺得蝕
我寧願留D時間最後沖刺
一去到outlet
導遊就叫我地攞左個地圖簡介
裡面有哂所有店舖既正確位置
同埋邊D店舖買滿幾多錢會有幾多折等等資料
而Outlet好多品牌都可以搵到
由於時間關係
唔容許我地每間都行到
所以我地會去自己心目中指定某幾間掃貨
攞完簡介之後
導遊就帶左我地去另一邊 (見到有d團友己跑去掃，連lunch都唔食，好勁)
介紹午餐既好去處
而這邊
就有多D小朋友既衫買
又有100yen店
導遊介紹過幾間
不過這間係最吸引我地同其他團友
就算唔識日文
都可以手指指
話比佢地聽想食乜
樣辦同真實既set
真係一模一樣架
而個日係平日
返工既人通常食12:00 - 1:00
導遊叫我地1:00後去搵食
就會大把位
果然無錯
等daddy叫野食
順便幫阿囡換埋片片
daddy好認真喎
原來係mark緊等陣要行既shop
呵呵呵
之後我地叫左導遊推介既
滑蛋豬扒飯
這個真係要必食
超好味
導遊無介紹錯
d湯都係好鮮甜架
而我就叫左另一款
吉列蝦&吉列豬扒定食
印象中同香港尖咀某間野好相似
唔知係咪同一間呢？
這個又係好好味架
飯又係任添
不過食一個咁既set
已經飽到嘔
昕晴食得好enjoy架
yummy！yummy！
摩天輪下面應該係兒童樂園
有好多for小朋友玩既玩意
而摩天輪入面
見到有d係有個大大既公仔
如果我地有時間
一定會坐一坐
由於daddy仲未買到心頭好
所以在這邊
食了午餐同掃左一輪100yen店之後
就要返過去outlet個邊陪daddy掃左貨先
阿囡已經算係咁
我地買野期間
雖然唔太願意比我地困住係bb車
但都差唔多等我地買哂心頭好先扭
good girl
而我地掃貨既策略
就會選d 特價品
限量版先買
因香港好快就會出
價錢同香港差唔多
就無謂在這邊買完又要拎番去
但佢地有好多野
未必有size
所以見到啱就要即刻keep住
我買個d
全部都係得番一件架咋
想買多d都無
最開心既
係竟然比我係levl's 掃到2件衫仔比阿囡
仲要係2件加埋都只係百幾蚊
雖然現在未啱著
但遲d就啱架啦
哈哈哈
原先想買bb衫比未來契仔
但個邊既野真係貴到飛起 (對番港幣)
所以
老死
so sorry
只買左少少野
bb車另一用處
yeah！
爭d唔記得講
這個outlet就係在關西機場附近
如果我地上左車
15mins就到機場
所以真係超方便架
另一樣開心既係
掃貨期間
竟然見到我地蜜月時既導遊
仲要搭埋同一班機
個種感覺
真係好親切
而導遊又認得我地
所以點都要係機場影番張合照啦
由於阿囡過關時候訓左
佢無機會行過個個金屬探測器
等我行完
再推阿囡比工作人員
係咁由頭摸到落尾
導遊話液體既野要pack入袋或喼
而水
一般人係唔可以帶
但只要係for bb
就比我地帶
but
昕晴把鉸剪仔 (香港比我地帶埋上機架)
只係長左少少
都沒收左
日本方面真係check得好嚴
所以各位記住
要收埋鉸剪呀
阿囡訓到上機已醒
bye bye啦日本
下次有機會
我地會再黎架
而今次回程
比左bb seat位我地
個人認為
我寧願好似之前咁
阿囡可以搞到個TV
BUT回程時
除左對腳可以申長d之外
昕晴就唔可以隨時隨地禁到個TV
而個bb seat位
根本就係好似相中咁
bb唔會坐得或訓得舒服 (因係一塊板)
只係for我地放野食時張枱較大咋
所以
回程時
昕晴係難搞d
不過我地叫左機組人員比野阿囡玩
因佢地有玩具係for小朋友的
好在咁先可以令到時間快過d
好了
5天旅程
就咁結束
多謝大家咁有耐性欣賞
(每天搞掂完阿囡，寫埋已經成1點了)
而老公
想在昕晴2歲前
去多次旅行
現在計劃
可能會去台灣3天 friday - sunday (自由行)
各位有無好介紹呢？
邊度訂機票book酒店係較平呢？
有無邊d地方啱一家大細去既呢？
台灣之前我去過 (但係for追星)
所以有乜好玩真係唔多清楚
呵呵呵
去完環球影城
就急急趕返去心齋橋個邊勁shopping
因為d舖頭真係好早收
所以趁住未收前
趕去買貨
多謝老公的幫助
大家輪流揹昕晴
所以真係好彩只得這天係落雨
否則
今個旅程真係無咁順利呀
阿囡shopping時又sleep左
由於我對鞋濕哂
要快快手買番對
因晚上個餐
係要除鞋入房食架
費事臭死大家
哈哈哈哈
ABC MART似香港既允記
乜款都有
但唔知係咪多香港人掃貨
好多SIZE都無
老公睇中都買唔到
我地通常會揀限量版先買既
BUT我無得選擇
只要喜歡便即買
而藥房
我就入左去掃sofina防曬
價錢係港幣$199左右 (之前蜜月yen平，$15x己買到啦)
由於太多大陸人搶貨 (so cheap)
所以買左自己野
都無得點行就要走啦
佢地實在太恐佈啦 (好似唔使錢咁)
話咁快掃完一輪
導遊約左我地7:30一齊食飯
趕唔切返酒店換鞋
唯有在SOGO洗手間內搞掂
昕晴真係較啱時間起身
今餐係食網燒
食物係任食的
飯也是任裝的
好在早一天食左導遊介紹既地道野食
否則
今晚點食得落
今晚昕晴好似做show咁
周圍咁行黎行去
又撩這又撩那
搞到個個都錫到佢濃
今餐有些團友訂左神戶牛柳 (因太貴所以我地無訂)
分別係$600 & $1000既牛牛
我唔知坐我地對面既團友係訂邊隻
但因著昕晴原故
團友竟然請我地食左2件
見到佢全盒得5件架咋
我地都唔好意思
但真係好好味
不過太貴了
謝謝團友啊
食到咁上下
有d團友分別再戰其他地方
而我地
今日實在太累了
買埋明天要用既野
就回酒店休息
日本街頭
好多夾公仔既機
昕晴每次見到都會嘩嘩聲
但夾一次都唔平
我地唔識夾
唯有影相留念
返到酒店
我就同阿囡浸浴先 (hotel既浴缸)
感覺上
真係好溫馨
香港係做唔到架 (因家裡細同無浴缸架)
如果你地第時都帶小朋友既
不妨一齊浸一浸
真係好sweet架 (自以為)
呵呵呵呵
搞掂完阿囡
就到我沖
daddy話佢在外面就搞這搞那
又爬底望我搞掂未
之後仲叻到
識整高個睡衣
著我對鞋
見到小朋友既睡衣咁可愛
真係忍唔住要影呀
同daddy一齊個張
仲笑到咁既衰樣
真係頂佢唔順
超多表情
眨下眼又過左4日啦
搞掂哂所有行李
明天就要飛啦
好唔捨得啊
待續
