泰禾味泰國菜館@九龍灣

店舖：泰禾味泰國菜館

地址：九龍灣淘大商場二期地下G190號鋪

電話：2769-8322

某天突然好想食泰國野，因為想飲冬陰功，咁係咁趕急既情況下，求其選了一間，我食野不算太奄尖，但都覺得這間..................唔掂當，如果大家有機會，可以唔使試，無謂SIDE錢=.=

佢叫泰yummy，不如改個名叫泰唔掂仲好

送的咖喱炒蟹，係門口個阿姐無拉拉話叫我地攞住張飛就有

送既野唔預好味，個汁唔差，送飯都好味既，但.................唔熱囉

冬陰功海鮮湯$58，睇到佢d油嗎？有少少嚇親，味道一般，咸咸地，唔似平時食個d味道

串燒拼盤$48，d汁係最好味，but送到黎，唔似串燒，似唔知係邊度就咁整熱，好失望

生菜包(豬)$58，好唔掂，雖然我地走青(因99唔食)，但完全無味，得個咸字

爆炸蝦$98，睇相以為好正，but出黎咁既貓樣，我地數過，有3隻蝦咁大把，咁就收我地98蚊，唔好去搶，重點係唔好味呀

是晚我地叫左個靚仔$10，3個人share，送佢地d汁就會好食少少，否則，真係無啖好食，有得再選，我唔會再黎

服務態度值得一讚既，做野好快手，but如果味道唔好，仲收咁貴，真係無人黎幫襯架，希望佢地有改善啦

是晚加埋一，成為$299，咁既價錢，我真係搭車入西貢食好過呀

烤珍珠奶茶(大)$13

食左餐咁既野，諗住飲番杯我地最愛既珍珠奶茶，最衰個邊無comebuy，咁行過淘大，就去了這間happylemon叫左杯佢地推介既烤珍珠奶茶，以為推介野實無死，BUT............如果又係比我揀，我寧願飲COMEBUY或仙琮林個D啊

茶同奶味超濃，一夾，唔好味，珍珠，飲幾野就無，使唔使少到咁，可能平時飲開comebuy，有比較下就.....................平時見好多人排隊，點解咁既？莫非我地揀錯野黎叫？？