白蓮鬚糖水

以下資料特別鳴謝CYAN比的，等我可以POST出黎同人分享

因我知孕婦踏入最尾階段，要食這些野黎去胎毒，我姑姐在我有左既時候，已經不斷提我最尾個個月要食這個，但佢又唔太記得名，叫我去藥房問人就可以，呵呵，所以我知這些在藥房可以買到，同埋開始要食腐竹蛋糖水個d涼野，因我比較怕早產，所以唔敢食住，咁我現在開始慢慢食下西瓜先同多d行路，等生個陣都容易d

昨天BB無乜點郁，咁我就叫佢點都要郁下比媽咪睇，等我知佢健健康康同安全，咁講完無耐佢真係郁，但.....................今天就起哂飛腳，真係........................為有ENJOY，呵呵呵

白蓮鬚糖水常用於助產及有助清胎毒. 藥方如下:
材料:
白蓮鬚…………..3元
雞蛋……………..2隻
冰糖…………......適量
水………………..6至7碗

製法:
凍水放入白蓮鬚及雞蛋(去蛋殼), 煲滾後以慢火煲45分鐘, 以冰糖調味即成。

飲用時間:
臨盆前一個月至十五天前飲用。白蓮鬚屬平性的食物, 無論涼、熱底的人都適合食用。一星期可飲用1至2次。將近臨盆時飲用效果不大。

功效:
1)固澀 ~ 白蓮鬚乃蓮花的花蕊, 性平味甘, 有固澀(即止血)、補腎,、消熱毒之效, 而雞蛋則有蛋白質, 此糖水確有助防止生產時大量流血的作用。
2)補腎 ~ 由於孕婦需要養胎, 腎氣一定有損耗, 具補腎作用的白蓮鬚能使孕婦生產時有氣力, 生產過程會較順利。
3)解胎毒 ~ 所謂胎毒, 是指孕婦身體內因常吃油炸食物而產生的「血熱」, 令嬰兒出生後易生瘡

BB成長 - 第34週 + 走佬袋需知

本週身體及胎兒變化情形

目前懷孕 34 週 1 天，預產期是 2008/09/08 ， 40 天後您的小寶貝就出生了。

星期六收到個姊妹既電話，話佢同事(早我一星期預產期，即8月尾)，在星期六(7/19)當天突然穿羊水，在無預備情況下BB便出世，我聽到個刻，即刻呆左，原來BB真係可以隨時隨地便出世，而姊妹同事因個B未足月，5磅都唔夠要瞓箱，諗起都心痛，但感恩的係一切正常，唔使插喉，咁我就同老公講左這件事，佢第一時間問我走佬袋D野，要即買埋，咁昨晚便與姊妹們再掃一次護協，其實已經8899了，都差唔多預備好哂

以下係親子王國COPY 的

走佬袋需知
1 產科門診證 ,孕婦身份證及丈夫身份證副本
2 紙巾2盒,初生嬰兒紙尿片一包, 莊生濕紙巾 / 連盒, 尿片墊, 大毛巾兩條, 面巾兩條
3 產婦衛生巾1包'非黏貼型' (入院時及剛生完時用, 因入院時若就生得, 就連內衣褲都不可穿)
4產婦衛生巾1~2包 “黏貼型”(生完配合網褲用) ,胸圍2個,網衭3~6兩條
5 保溫杯, 拖鞋, 面巾, 牙刷, 牙膏, 廁紙, 盒裝紙巾, 洗面奶, 面霜, 洗頭水, 沖涼液, 酒精, 沖洗bottle 等日用品 (有些醫院需自備一個熱水樽)
6 紗巾數條(事先要洗軟 / 餵奶墊住用), 小膠盆一個, 棉花一包 (清潔嬰兒臀部時用), 凡士林 (保護bb pat pat)
7 有些醫院要自帶嬰兒和尚袍 (並請標記孕婦姓名, 因怕姑娘推去沖涼時搞亂)
8 產後房床邊小柜上層可上鎖,如有需要,可以自備鎖及匙
9. 屈x氏有頭髮干洗劑賣
其實有很多物品,便利店及醫院復康店有售,所以可以隨時買到,而且如有需要可請家人在外面買來
bb衫 及 你太太的出院衫, 可出院才帶去(內衫,和尚袍,長袍,羊毛衫(如凍),大毛巾/褸被,BB要包被,手套,腳套,連身衣等, 視乎需要

其實有些我覺得唔需要，所以就唔會執埋，因屋企同醫院都近，如真係無，就叫老公帶黎，現在欠個大袋，將d野pack哂入去，老公有講過，不如pack入個d紅白藍(其實我地個陣在迪迪尼買左個米老紅白藍)或一個細喼入面，但我有諗過，會否太誇張，我諗住問下細細佬，看看佢有無d大袋先

而我又想問，咁我唔沖得涼或洗頭或唔可以掂水，我個d洗頭水、沖涼液同洗面個d係咪唔使帶？同埋我望過，醫院買個d野，超貴，所以我千叮萬足叫老公唔好係醫院買野，因個次見到，一包hugger既nb尿片，平時無特價萬寧個d都係買$45左右，但醫院就買成$80左右，真係................搶錢架

以下係鳴謝Leader、美人、貓仔送的BB床上用品，我地格過哂價，這SET係護協最平，$400不用，我地試過在吉豬島望過(已ON SALE)，都差唔多要成$500呀

AMOR膠尿墊(大) $65                           AMOR無花紗巾6條裝 $28一包

SIMBA專利衞生奶粉盒 $39              PIGEON消毒奶鉗 $33

PIGEON單保溫袋 $23                       高潔絲產婦巾扣帶10片裝 $18

現在我常想，我仲有無乜要預備呢？

BB成長- 第33週

本週身體及胎兒變化情形

目前懷孕 33 週 0 天，預產期是 2008/09/08 ， 48 天後您的小寶貝就出生了。
妊娠 9 個月（33～36週）
胎兒成長
胎兒身長：約45公分
胎兒體重：約2400公克(約1個西瓜的重量)
母體正常變化
子宮底高度：32～38公分
羊水量：1000CC
第33～36週　　循環、呼吸、消化及性器官功能成熟
1. 皮下脂肪增厚，皮膚沒有紋路、呈粉紅色。
2. 頭髮長出很多，手腳指甲快速長長。
3. 胎毛逐漸減少。
4. 循環、呼吸、消化及性器等器官功能發展成熟。
5. 可接受外界聲音，可從表情看出快樂或不快樂。
6. 胎位固定並下降，超過36週胎位還不正的胎兒，要再轉回去的機會就微乎其微了。
第33～36週
1. 子宮日漸膨脹造成的不適，令孕婦愈來愈難過。
2. 子宮位置開始下降。
3. 子宮出現無痛性收縮。
4. 頻尿、尿失禁、便祕、腰痠背痛的情況更加嚴重。
5. 反胃、胸口鬱悶的感覺強烈。
6. 容易感到喘、心悸、疲倦。
7. 易有產前憂鬱症產生。

平平安安又一weeks，YEAH，身體情況尚算可以，唔知係BB頂住我個胃、昨晚不夠瞓定係AUDIT問題，今天竟然嘔左2次，好在現在無乜事，但我已經平常心去面對一切，唔知這些是否叫無形壓力呢？

7月10&17號上了聯合的陪產班，第一堂係講點生產同選擇無痛分勉個D，而第二堂就係教我地點呼吸，以前好細個時，媽咪已經比過我睇過明珠台播的"懷孕+生產"過程，睇一個女人係點生產，其實已經有哂心理準備，但當第一堂看到個D圖片，唔好話老公，連我自己睇到已經毛骨悚然，個一刻開始有驚既感覺，可能越近生，個感覺越大呢，之後自己腦海就出現好多問題

1. 醫生話當我地覺得有陣痛、見紅或穿羊水，是但中一樣都要入院，但，那時是否還有很多時間呢？

2. 穿羊水，是否等於BB在肚裡開始流失空氣，咪會好危險囉，咁係咪代表穿羊水係好危險呢？

3. 但又聽D人成日話，就算穿羊水，仲可以沖個涼洗個頭，係咪真係可以呢？因醫生講到好似好緊急，但聽好多FD講，又唔係咁，都唔知係點？我知每個人既情況唔同，所以就有些迷茫了

3. 在看片時，姑娘叫我地最好坐的士入院，去到仲要搞好多手續，又話CHECK到未生得時，又要在甚麼房等，係咪真係有咁多時間辦手續呢？

4. 到時係咪要攬住個走佬袋放係床邊呢？姑娘會否將我地帶去既野搞錯左呢？

5. 咁緊急既情況下，咪放唔切大大囉？到時生BB時大力D，BB咪會變屎NO人？

6. 姑娘也有講，生之前要穿無貼的M巾，生之後就穿有貼的，又話到時唔可以著內褲，到時比條帶連埋無貼的，咁，即係點？

7. d人話生完咪唔可以掂水既，其實係指唔可以洗頭定沖涼呢？咁我生個陣，會出哂汗架ma，咁個陣係咪唔可以在醫院沖涼同洗頭？

好多問號啊，不過陪產班都有贈品送的，比左$120上個兩堂，有番D野拎走，感覺上抵D囉

後補回贈品相片，這些都係FOR BB架，2堂有唔同贈品，幾好架

泰好食@灣仔

店舖：泰好食

地址：灣仔春園街1號

今晚同老公去了灣仔個邊看電腦野，咁看完就找搵野食，其實唔知灣仔有乜野食架，我地又唔想食太貴，咁行下行下，就比這間小小的店舖吸引，為何咁吸引呢？因為經過佢地門口，已經聞到超香既野食味，唔知係咪我地肚餓，而看到個價錢唔貴，咁就立即飛入去啦

而這舖地方比較細少，但就係都坐滿人的，好在唔係話要排隊個隻，好快就有位了，我地坐近門口同廚房，所以比較熱，同埋佢地個廚房比較細，所以出野就比較慢了

炒芥蘭，$10 (無乜特別，菜加蠔油是也)

香茅雞中翼，$20 (係超香架，三碟中最好味的一碟)

泰式炒金邊粉，配料我地選了豬，$32 (味道比較淡，不過不失)

今餐成為$62，價錢在灣仔區都叫做平，由於我唔可以食辣的關係，所以無得叫其他口味，同埋無得落個d醬汁(因都係辣辣地)，很美中不足啊，而整體上也是不過不失，因味道比較淡啊，可能食開個d泰式野都比較濃，所以這間野就叫一般啦，但佢既香味，就確實好吸引既，嘻嘻，等我生完仔，到時就會叫冬陰公個d湯底野試下先

BB成長- 第32週

本週身體及胎兒變化情形

目前懷孕 32 週 0 天，預產期是 2008/09/08 ， 55 天後您的小寶貝就出生了。

今天是產檢的日子，但有時我都想知，係咪一定要去，因今天等的時間約1小時，但檢查只係花左1分鐘，今天檢查內容係醫生按一按我的肚，再聽BB心跳，之後就問我有無乜唔舒服，我講左既野(如腰痛個D)，佢都話咁係正常，無乜辦法，所以我都無乜野再問，只要一切正常及BB健康，唉，雖然這些產檢確實浪費時間及無聊，但，為著BB，都要去CHECK

上星期去了護協買野，個度同教協一樣，都係超多人，但d野確實係比出面平，以下便是我去買的東西，因為老公不在，所以仲有好多野未買，同埋我仲想價下格先

PIGEON奶瓶清潔液(泵裝)800ML ($60)，補充裝700ML ($44)

強生嬰兒清爽柔濕巾20片細包裝 ($5.5)           PIGEON奶咀打孔器 ($23)

棉花球500個 ($28)                                     強生嬰兒護膚柔濕巾連盒80'S ($25)

這個便是在荃灣村龍街買的和尚袍，每件為$25，BUT我想話比大家知，我係買貴左架，因根據網友報料，有度叫"黃發"婆婆，個度買每件為$15，真係..............豬左，但個度因為無舖名，網友話見到個膠袋印住"黃發"，先搵到，SO下次我會醒目，好在最尾個老闆娘都有減少少比我這個C9仔，嘻嘻

這個係包被，因BB在9月出世，所以唔會買太厚，$49

這個便是沙巾，開頭唔知買黎做乜，經姊妹講番，原來係當手巾仔，比BB抺咀仔用既，$29(FOR 6條)

而以下係特別鳴謝我們的朋友們，謝謝你地咁錫BB

這件熊貓衫及麵包超人口水巾，係鳴謝CARMEN契姐送的，嘻嘻，BB未出世，你已經咁錫佢，我實會叫BB錫哂你、嗲你同冧你，等佢媽咪唔使出錢都有人買玩具比佢玩，呵呵呵

這個便要鳴謝院友豆豆，真係好開心你咁有心，預早咁多買份禮物，我同方大哥都好LIKE架，謝謝你

而這份，係鳴謝姊妹娟娟，謝謝你啊，雖然這些禮物係要等BB大個左先開始用，但很開心，因你知我喜歡米老，所以這些我都係超鐘意架，呵呵呵

而下面的衫仔，係鳴謝老公的同事們，一聽到我地有BB，就開始比版老公，有些一知道係囡囡，就勁比粉紅色既衫仔，D衫仔真係好得意呀，謝謝大家咁有心啊

其實仲有好多架，遲D再UPLOAD先