萬發海鮮菜館@深水埗

店舖：萬發海鮮菜館

地址：九龍深水埗九江街150號地下 (近明愛寶血醫院附近)

因為幫大細佬補祝生日，所以今晚同埋阿媽一齊去食大排檔，查實係我自己好想去，因之前姑姐帶我去，那時太少人啦，食唔到好多野，所以最好多D人去，叫既款都多D架，但有樣美中不足，佢地係有幾間店但只有一間有冷氣架咋(好似係，因對面街我無入到去，所以唔太清楚)

事實上今天很感恩，因聽聞一過左6:30就無咁易搵位，要開始排隊，我地今日遲左少少先到，去到咁啱有人走，咁我就好醒目咁攝左位，好在出面因下微雨而不太多人排隊，否則就要等位架啦

去這間係因為平靚正 + 好好味，唔講咁多，去片先

豉椒炒聖子($80)，超肥味，超大隻，雖然價錢好似貴左D，但物有所值，無沙又多料，SO YUMMY，食到我地流哂口水呀

椒鹽骨($48)，好夠味又多，送飯一流，GOOD

琵琶豆腐($48)，查實我平時對豆腐真係麻麻地，BUT，這個餸，係之前同姑姐食完，今次一定要再叫過比媽咪食既，加埋D汁，OH YUMMY

薑蔥爆魚雲煲($58)，又係姑姐介妱，但上次無食到，今次見阿媽在，特登叫比佢，好香好"野"味，但魚雲在於我來說，係無肉既，所以我只係老公夾左D肉比我而食左少少，但又係好味道架

蒜蓉炒"顯"菜($38)，大碟又好味，VERY骨

是晚好在有我細佬在，因佢可以食好多野架，否則，真係食唔哂，我地四個人，叫左四碗白飯，無加一，埋單299，其實我姑姐仲推介左魚香茄子煲，因唔油又好味，但我地實在唔可以一次過叫咁多，SO留番下次再食過，以上餸菜如無意外我應該無記錯價錢掛，如有記錯，真係SO SORRY啦

哈哈，之後仲去左行西九龍，消化消化，GIORDANO仲做緊買2件7折，超抵呀