踏進人生另一頁

大家都等得好心急了，在此，我想向大家說一聲

我們就黎做人爹娘了

現在BB應該有3個月大，因我還未在私家照超聲波，政府那邊又未照住，所以醫生(他們有個計算表)同我都只係按網上CHECK預產期既日子黎推算

我的預產期是2008年9月8日，可能大家都覺得WHY咁快就生小朋友，唔過二人世界先，其實我地都係好意外，但，在我們心裡，知道兒女係神給我們的產業，同埋我地都預計會生，所以，時間上可能係快左少少，不過心裡確實係好平安

同埋WHY咁遲先講，或有些好友我都未能打電話說聲，就係個BB之前未穩定，當驗到時，就已經不停的嘔，勁辛苦，唔知幾時嘔，唔可以過飽或過餓，一餓便要食少少野頂住，否則個頭會暈，所以有好一段時間沒有寫BLOG，上網，晚上仲要好早便瞓，試過8點已經可以瞓得著，現在平均都係10:30或之前就會上床瞓，所以生活極度健康

今天係我第2次產前檢查，所以先有時間同大家分享，而今日做的檢查令我好感動，就係聽BB心跳，姑娘仲開得好大聲比我聽，BB心跳得好活躍，令我感到很安樂

而早在上星期，我與我媽去醫院CHECK另一樣野時，因我媽與那醫生好熟，便叫醫生幫我照埋BB，那時我只看到一堆白色物體，係醫生告訴我，BB在跳，邊個係頭邊個係身，而個次係順個便照埋，所以都未話正式照超聲波，但個一刻，我同我媽見到阿B時已經係超開心了

當下次產檢時，我便會照超聲波，唔知醫生會否告訴我係仔定女呢？同埋照超聲波，就會好確定BB的預產期，現在我已經進入穩定期，無再像之前嘔得咁利害，但都係十點幾便要瞓，所以晚上見到我上網，就確實係好好彩了，哈哈

** 各位好友，未能及時通知，確實有點兒...................不好意思，莫見怪