探b記@round 5

己經唔記得寫到第幾個b啦
無記錯
應該係round 5
2011年確實有好多b
但我知道
2012年
會仲多b
係我既認識當中
己經知道有起碼半打媽咪
黎緊會係2012年生b
真係多到呢

好
回歸正題先
今次有幸
可以探到p仔
P&D
睇住佢地結婚
睇住佢地生仔
真開心

諾諾B好識做
一見到我拎起相機
就識對鏡頭笑
真可愛呀

又係時候
影底佢地既手仔

腳仔
因為BB好快大架

抱慣左阿囡
一抱D初生既
真係覺得好輕呀

今次仲有豆豆陪我地一齊去

睇下諾諾對鏡頭幾敏感
哈哈

謝謝阿P
啱啱去完台灣出TRIP
令我地有口福
阿囡食到唔停得口呀

食飽後
依舊喜歡搞人地個琴
彈得似模似樣

諾諾
EE祝你
快高長大
身體健康
聽教聽話

 

親子功課 - 敬師日2011

一返學
每每都會有好多親子野要做
今次
係做敬師日既咭

係$7.8店買左D材料
在無乜IDEA之下
求其做左張咭

首先
足實阿囡隻手
寫左想要寫既野
再叫佢
隨佢喜歡
將D貼紙貼上去

再自己選顏色
因為想阿囡自己發揮
所以無要求佢
樹身一定要係棕色

雖然唔靚
但都算係同阿囡
一齊努力下做的

相信
老師們收到我地既心意
就算唔靚
都應該好歡喜的

 

石燒日本料理@荃灣

身體總是累
沒太多精力上網

某天
約了舅父仔去荃灣
太耐無見啦
是但搵間
可以傾到計
又坐得舒服既地方
之前上openrice都見到人地介紹
今次就試下這間啦

舅父仔好識做
一黎就拎阿囡至愛既零食出黎

氹到阿囡好歡喜

仲肯抱住影相
零食既吸引力
幾咁大
哈哈

由於事隔太耐
d食物名己忘記哂

總括黎講
雖然佢地係味千旗下
但食物質數
就好味過味千
真係唔知點解
佢地2間舖
應該係用埋同一個廚房
而價錢
同味千差唔多
我地叫左咁多野
埋單印像中係$27x

價錢唔算太貴
最緊要
係坐得舒服
食得開心
又可以談下心事
正正正

新森林焗之專門店@旺角

超級勁耐都無UPDATE

事原YAHOO BLOG要更新左先可以UPDATE + 留言
我一路到都未搞得掂D BLOG友仔
所以一路都未UPDATE

唉
新BLOG我個人認為
較舊BLOG難用
好多SETTING既野
我都未模熟
希望越用越暢順啦

某天
出旺角唔記得整乜
午餐就選在這裡食
因為之前同好姊妹都試過
感覺唔錯

 

未食前
例必搞搞震一番
嘻嘻

由於隔左太耐
D名己經唔記得哂
只記得這個係乜乜焗飯
雖然份量唔算多
但食哂都幾飽下架

這個老公的
蒜茸汁出奇的好味

可能好味
阿囡全部食哂
YEAH！

凍飲加$2

嘩哈哈
睇番單
原來我地係9月6日食的
真係失禮
到家陣仲寫緊9月既BLOG


第一篇新BLOG
感到好麻煩
以前我一BLOCK哂D字同圖
就一次過幫我改哂D字體同大細同顏色
但新BLOG都唔係既
希望快D搞掂哂

撈魚@葵涌廣場

某天

同阿囡去左葵涌廣場

平時行過

都無留意

原來這裡有撈魚

可能平時我唔會比錢玩

今次

多謝美人姐姐

請昕晴玩

阿囡第一次撈魚

佢係好鐘意架

無記錯

$25玩3分鐘

玩完會有一份禮物

(撈到與否都有)

可能阿囡細個

個EE比多左個網我

教我點樣同囡囡一齊撈

事後

我見隔離既人

要求多個網

原來要收錢架

真係多謝EE

眨下眼

3分鐘就過

佢地會將D魚

放番落魚池

可能有大人幫手

阿囡撈左好多條

當我地搞掂

選禮物時

先發現

這個玩意

係好多人參加的

真係好在早少少去

阿囡玩到唔舒得走

有機會

而無咁多人

再玩過啦

 

再一次多謝

美人姐姐

掉錢樂園@厚德商場

真係要快快手

追番D BLOG

唔舒服左好耐

今天終於有D精神

 

某日去完playgroup

同阿囡去左坑口個邊

發現左這個掉錢樂園

我地第一次去

個度好大

阿囡都係搞搞震

無幫襯

之後先發現到

原來這個場

係有大型機動遊戲玩架

$100就可以玩成4樣野

都好底喎

可能我去得少這些掉錢樂園

發現時

感覺好新奇

估唔到

佢地連碰碰車都有

但

好多都有年齡限制

最少都要成6歲先可以入

個度仲有生日派對

佢既升級優惠

唔知包場包幾多個鐘呢

個度仲有大型波波池

真係好啱小朋友玩

遲D

睇下約唔約到朋友仔

一齊入去玩番夠本先