北海道+東京之旅 - DAY 4

DAY 4 (DEC 7)

這天morning call係6:30，8:00便出發，因導遊一早已經講過叫我地一定要行一行洞爺湖，真係無介紹錯，又係勁多雪，好靚好靚！靚到好似假咁，中間係有一舊灰雪遮住，大家會見到有些暗暗地

今日既第一站，係去另一個滑雪場，我地坐一架滑雪車，前座既係10,000YEN，後座係5,000YEN，玩一個鐘，其實係好好玩架，但要依足指示，又唔可以爬頭，要一個跟一個咁跟住，有少少想飛起教練架，HEHE，不過個邊真係好凍，好在佢地有預寒衣物比我地著咋

去到一半，已經在山上，我地就可以落車影相，我坐住個架咁型仔既，當然係教練啦，後面既第一部就係我地架啦，好在跟第一，否則佢D廢氣都幾難聞架，同埋差唔多影完相，佢地有專人送d熱辣辣既阿華田上黎，嘩，個一下既感覺真係好正

D雪係高到上腳架，我地已經係行到最淺既地方影架啦，影完之後又開始落山，回程時都有一段路係可以渣快D的，個段路係最好玩架

我地既午餐，好好味架，有豬頸肉、烏冬及豆豆飯，可能玩完好肚餓，枱上既野我地都可以全部食哂，之後就係shipping時間啦

餐廳門外，又係落雪中

導遊帶左我地去狸小路5-6段，個度有間雜貨店，係9折+免稅，其實導遊第一日已經講過，但有時驚去完一個地方無買個d野買唔返，但，原來這間野都有，我地就勁掃貨，掃完後我地就自由行，好在之前帶了兩本旅遊書過去，咁有些地方就可以自己行

這個係叫TV塔，上去要比700YEN，個陣5:00(相機既係香港時間)，已經好似香港既8-9點啦

由塔頂影落去，因影夜景會有手震，這張已經叫做最好

這個係時計台，又係書內介紹的另一景點，可惜入黑，否則我相信仲靚呀

是晚係食燒烤，但我地無買神戶牛柳個D，因成五舊幾水一件，所以只係食左個餐有供應個D咋，諗住唔夠先再去食拉麵

這些便是團友們的飽魚，嘻嘻，雖然我地無買，但就覺得幾壯觀

是晚住的好似叫麗晶酒店，係住咁多晚以來，最大最靚既一間，真係超大架，哈哈

北海道+東京之旅 - DAY 3

DAY 3 (DEC 6)

這天morning call係7:00，8:30便出發，我地一起身，見到咁靚既雪景，心情真係勁開心呀，上車前都影一影，因真係好靚呀

菓子王國既餐廳

在走廊影出去，真係好浪漫既感覺

第一站就係去登別地獄谷，個度好靚但好大陣流黃味，我唔係太like個d味，同埋比左半個鐘我地影，都係影左唔多時間便走了！

之後再去就係這個忍者村，我相信每個跟團既都會去，個度都有少少鄉村，但影出黎個天氣同各方面配搭得係好靚架

趕住去看個忍者表現，但有些悶，不過未看過都值得一看既，這個都幾ok靚仔架！

是但影都咁靚

這個阿叔好勁，都係團友必影既人，佢比把劍時就會勁叫，同埋可能影慣相，好識擺post

上車前再影，這張又係勁靚之作，其實只係用傻瓜機是但影都有咁既效果，真係好美呢

之後就去魚巿場食海鮮啦

yummy，這個便是自行購買的，我地用左13,000yen買長腳蟹、1,500yen海膽、帶子都好似係1,500yen一隻，這些係自己看中邊d就叫佢地幫手選，睇到都好開心架

其實最左手邊個碟係包既，中間個兩碟便是我地自購既，真係食完自己個d已經飽到流，今餐有成2個鐘慢慢享受，真係到現在都好回味d海膽呀，好好味啊

食飽飽後，魚巿場係可以比個d蟹我地影相架，但當然唔可以跌落地啦，佢地仲有好多野買架，超正

食完就搭車去熊牧場，個陣已經差唔多3:00，我地買左2包野，一係餅乾，一包係apple，個d貍貓就食餅乾的，d熊就食apple，佢地好似人架，識得拍手叫你比野佢地食，好搞笑的，當睇完再行一陣買埋野，個度出名係馬油，仲有些"熊出沒"標誌既野買，當行番出去時就已經天黑，個陣係4:30，佢地已經趕住收檔了，咁大家就打道回酒店，又係溫泉酒店黎架

是晚係住洞爺湖，其實我地真係有好多餐都係自助的，但今個酒店既野係最豐富及好味，第二朝導遊叫我地要早d起身，欣賞下洞爺湖早上風景，咁這間都係溫泉酒店，但相比下，菓子王國係靚好多，但這間就最多廁所用品，我就將佢有既野勁搽，無蝕低，哈哈