好幫手

近期

阿囡好喜歡涼衫

之前無教

就自己是但涼

雖然涼得麻麻地

但

我好喜歡

阿囡既主動

主動叫我比佢涼

主動幫手

感動！感動！

涼完

個樣仲好自豪

好搞笑

事後

就教佢點涼

我當然篩選過

比D容易既佢涼

係涼得有板有眼

GOOD GOOD GOOD

盼望

下次再教

就係洗碗

嘩哈哈哈

我家廚房

我的家

係面向西邊的

好多人都講過

向西唔好

因為會有西斜問題

到下午

就曬到PAT PAT濃

 

但

往另一邊看

當我六點幾七點

係廚房

埋頭苦幹地煮飯時

好多時

都會見到好美麗既天空

雖然有時係曬左D

但有窗簾

已經唔算係一個大問題

煮緊飯既時候

心裡都會好急

好想快D搞掂

 

但

感謝主

使我看到

美麗的日落

有時仲會見到個咸蛋黃架

當見到咁美麗既野時

就讓我想到

神既創造

感恩！感恩！

 

從而

對身邊既野

就無咁執著

盼望

自己能更進步

父親節@3B gathering

開頭約的時候

都無諗過會就到父親節

只係就大家邊日最方便

今次有主題的

就係慶祝父親節

yeah！yeah！yeah！

 

我地真係好唔客氣

一黎到就搵食

因為真係好肚餓呀

無諗過車程比我預期中

長咁多

 

今次主角有

百厭星昕晴

剛剛訓醒既熙怡

病到尾聲既欣庭

可愛既細佬佬

時間有限

為免我地無得傾計

今次就辛苦daddy們

帶囡囡們一齊到公園玩

而細佬佬

就留係度

陪我地係度

belibala wahaha

辛苦哂啦

爸爸們

阿囡唔太識踏單車的

所以

遲D都會買架

係大小小個D

有附助look的

玩到癲哂

好在有帶水

真係個個變左濕水雞番黎呀

謝謝Tracia EE既衫

鏡頭一轉

我地切左CAKE先

怕食完晚餐食唔落個CAKE

今次個CAKE

真係好有意思

又好靚

仲要超好味架

朱古力

超LIKE呀

三位父親

有囡萬事足

個樣幾冧

食完CAKE

未到晚餐時

開左

米奇妙妙屋

見到佢地

真係好開心

唔使理

自動跳哂舞

好可愛架

細佬佬遲少少

就可以加入戰團

3位大姐姐

1位小BB

真係相差好大呀

話咁快

就到晚餐了

依然超愛這間

日本野食

今次叫左其他款

都係一樣咁好味架

食完

再睇一陣書

就走了

再一次依依不捨的走

永遠傾計既時間都唔夠

今次好開心

因為傾得好DEEP好CLOSE

盼望下次再相聚

 

希望可以快D

儲夠12人枱

加油

百厭星

唔知係咪

做全職媽媽

每天都會有好多時間

對住阿囡

所以

有好多時

我都覺得

自己個囡

比別人的曵好多

之前試過

用PEN黎畫牆

事後發現

即打手

仲要講

記得記得

唔可以再犯

事後真係無再畫

我開頭仲以為

咁乖

講左一次

就記得

點知

佢唔用手遮住

我都唔會咁快發現

昕晴知衰

唔比我影

等我拎開佢隻手

先知

除了貼左貼紙

仲用PEN去畫

唉

好在早發現

即刻清理現場

又再講一番道理

希望

唔好再有下次啦

食蔥記

自問

我係一個都幾偏食既媽咪

蔥、西芹等等

可免則免

而我

都唔想阿囡似我

最好似Daddy

乜都食

所以

老公諗左個方法

真係work

辦法

就係同阿囡爭食

同佢講

d蔥係我架

我要食哂

跟住昕晴就會同Daddy爭食

快快手

食哂d蔥為止

開頭都無諗過佢會食的

因為我覺得

蔥有陣草青味

試過用這個方法後

現在有好多食物

都會用這方法

去氹阿囡去食

對我個囡黎講

係work

唔知對大家既小朋友

又係咪work呢？

曵曵豬

平時出親街

都會拖住昕晴一齊行

一來怕佢跌倒

二來都係貼身照顧較好

不過近期

阿囡好明顯

唔比人拖

仲要自己走黎走去

so

第一次pk到咁傷

心都痛埋

開頭唔知點算

佢不停出水

無乜留血

屋企無黃藥水個d

就搽左藥膏

好在無乜事咋

所以第2日即入貨

原來

我既意外急救常識

係咁差

屋企竟然

連藍藥水黃藥水既都無

睇黎

係時候要買番個

藥箱先得啦

父親節@荃灣新領域廣場

今年既父親節

我地提早左一星期食

因為怕人多

又難訂位

今次選擇既

係位於荃灣新領域廣場

韓國燒烤

之前上openrice睇過

d人話這間比其他既好

咁就試下先

款色真係唔少

 

壽司+前菜

各款生肉

菜+炸物

湯 + 街邊小食

甜品

飲品要比錢

是日

每位大人

$148 (無記錯的話)

食物味道大致上ok

但食完

我地5個大人裡

有3個肚all

唔知係我地整得唔熟

定係佢d野有問題呢？

這裡有限時間

2小時

但就話

無人排隊

就無限

食完我地仲行左陣街

先回家

下次都係選其他野食先

 

 

祝

我親愛的爸爸 & 昕晴爸爸

父親節快樂

身體健健康康