平日
如果有時間
都會搵搵好友
相約食午餐
這天
相約了好姊妹
食完午餐
就去了荃灣廣場既露天公園
我地第一次黎咋
平時去開荃廣
都係行吉吉島多
好少上黎這裡玩
因上親黎
都唔啱時間
佢地都OFF左
無得入
當日天氣非常理想
唔太曬
又無落雨
仲要無乜小朋友係度
所以好多野
都唔使同人爭
同人迫
重點
係唔似平時去開個D公園
有蚊
我喜歡這些公園
乾淨
是日
謝謝花C9
幫我照顧阿囡
等我可以
安心影相
玩這些玩意
我先發現
阿囡其實好大膽
等再大d
就可以同我地玩
機動遊戲
YEAH
雖然要人扶住
但都敢行過去
印象中
我好似好大個先敢行架
個樣好似好驚
但佢能夠完成
媽咪都比十個叻叻你
這個唔係望遠鏡
而係萬花筒
新式既搖搖板
我家附近都有個
一模一樣架
後面鞦韆位置
大部份比中學生霸住
好在我地排隊
佢地都識趣
讓比小朋友玩
無諗過咁早放夏令
中學生仲多過小朋友呀
玩完
去左個洗手間
想再入
唔知係咪進行維修
已經封住左
唔比人入
之後
就去左M記食雪榚
再一次謝謝你啊
花C9
又請我地食野
阿囡見到這隻牛牛
主動邀請花EE一齊合照
盼望
下次的約會
到時約埋文哲
咁就更開心啦
某星期六上午
食完個BRUNCH
就同阿囡去公園玩陣
只要你唔怕熱
這是一個
好好的親子活動
天氣實在太好了
所以
公園無乜人
只見到D婆婆
係涼亭坐坐
休下息
平時
公園會充滿小朋友
但今次
竟然一個都無
莫非
真係曬得制？
比我
當然喜歡室內活動
可以享受下冷氣
但
我也不怕
陪阿囡一齊曬太陽
出外呼吸一下
清新空氣
如果去郊外
仲好呀
小朋友
真係有無限既精力
對每樣野都好好奇
喜歡這樣玩一陣
那樣玩一陣
我追佢
都追到"索"氣
近期阿囡愛上了
氹氹轉
第一次玩時
我怕佢會捉唔住
(D小朋友轉得好快)
但又OK喎
得閒咁樣走走
對我黎講
係一件好事
起碼可以燒脂
哈哈哈
因真係可以出好多汗架
珍惜
阿囡仲係咁依賴我既日子
將來
可能叫佢陪我去街shopping
都會唔彩我了
so
現在要好好珍惜
自從311事件後
大家對日本既食物
相信都會
有所避忌
但對於
我地熱愛日本既人黎講
真係會有
千萬個籍口
去再品嘗
日本美食
之前
同幫我CUT HAIR既髮型C傾開
佢話其實大家唔使咁擔心
因為佢地有入開日本貨
D貨要扣起檢查
起碼成個星期
真係無事
先會比番佢地
咁
相信日本食物
都會用同一種既方法
同埋
好多店舖
好似同日本劃清界線
話自己唔係由日本入貨
最令我深刻既
就係"板x"
平時口口聲聲
話自己D貨係由日本XX入口
但出事之後
就即改口風
SO
我好唔LIKE
就算幫襯第2度
都唔願意再幫襯"板x"了
真係好耐無食
未出事前
平均每星期都會食一次日本野
所以好似餓左好耐
今餐
特別覺得美味
曾經
有打算暑假期間
去一次日本旅行
因為現在既費用
確實好抵
去北海道
都係4千頭
從未如此抵過呀
但最尾
為左阿囡
都係唔去
因為
我地唔怕
但屋企人
都會反對
而我地去親旅行
都唔會掉抵阿囡不理
所以最尾都係無報到
唔知幾時
日本可以再興旺番
大家對日本食物
再有番信心
雖然過左3個月
都係要支持日本
日本！奸爸嗲！
希望日本經濟
快快復蘇
等我地
可以再戰日本
加油
6 June 2011
端午節補假
是日無預備乜野節目
通常訓到自然醒先起身
食左少少野
hea左陣
就去午餐
突然諗到
近近地
去西貢行一轉
所以乜野都無帶
去到
原來有龍舟比賽
不過我地去到已經完哂
哈哈哈
即慶既野
真係無預計過
下次會帶定d玩沙既工具
假日入到黎
真係超多人
沿途行去沙灘
都好多人游水
但d水質
真係好dirty
玩沙個度
我仲見到有玻璃樽
真係要好小心
雖然無得落水
但阿囡玩沙
已經可以玩得好開心
小朋友
就係咁容易滿足
再行番出去
有個地方
平時無開的
見到有農作物
勁似"點解阿sir係阿sir"裡
楊怡同阿MO一齊種野既地方
(當然唔會係佢地拍野個度)
再行入D
係專FOR狗仔活動既地方
見到佢地
真係好可愛架
但天氣實在太熱
又怕晏少少太多人
所以就行番出去
食埋個晚餐
就走人
旺泰D野
已經加哂價啦
我地食左4款食物
都成$16x
比以前貴左啊
但食物質數
都係好好
無計劃但愉快的一天
5 June 2011
以前住既地方
附近有坐小小的山
未生昕晴前
同老公行過一次
今次
就一家3口
齊齊整整
行山去
開心開心
家陣個太陽
真係好利害
曬一陣
已經可以黑左
所以都要搽番d防曬
想問問
大家會用邊隻牌子
幫小朋友搽既呢？
我都係用番自己用開既
唔知啱唔啱阿囡
偉大的父親
怕阿囡比蚊狂咬
所以在這段石級路
一個人
抱阿囡上去
Daddy
辛苦哂
只係企係度一陣
就有10幾廿隻蚊
一齊飛過黎
(only石級路段)
我大頭蝦
只係掛住幫阿囡搽蚊怕水
我同老公就行行下先記得搽
so
都比蚊咬左幾野
而阿囡
就一粒都無比蚊咬過
利害利害
(我指d蚊怕水好利害)
行哂石級路
就到昕晴自己行啦
阿囡好乖
知道大家都辛苦
所以斜路既路
都係自己一個人行哂
抵錫
well
天氣真係超好呀
雖然曬
但
在鬧巿中行山
確實係一件
賞心樂事
yeah！yeah！yeah！
終於到左啦
其實石級加埋斜路
大約行左30mins
就能到達
去到先知
這裡叫
"觀塘上配水庫花園"
個名真係靚
叫做花園
如果住高層
真係可以望到好遠既地方架
望住咁靚既天
心情都開朗d
在九龍區
能夠咁樣行山
又唔使行得好辛苦
都做到合適的運動
真係good good good呀
在這裡
見到好多公公婆婆
傾下計
吹下水
又有警察係度跑步
感覺上好安全
又見到有人放風箏
下次有機會
我地都會上黎
玩下風箏的
心情靚
睇既野都會好靚
感謝神
使我地有得看見
咁美麗既環境
走既時候
我地行了另一條路
個度係斜路落
行得好舒服
有機會會再去
雖然今次既行山遊
唔算係行左好耐
但對於我地有大有細既人黎講
都算係咁
有機會
(當然係等阿囡大個d)
唔使點再抱
就會去其他地方
其實好想同阿囡
去郊外露營
一齊扎營
一齊煮野食
夜晚仲可以一齊看星星
不過
這些活動
相信要再等一段時間
先可以做到了
期待中
唔知Yahoo發生咩事
up10張相
得5張up到
up來up去都搞唔掂
最尾要老公出手
要係張相度
按編輯
張相開左為小畫家
再另存
又得左
真係好難明解Yahoo搞乜
唔知大家有無咁既問題發生呢？
