眼科檢查@第1次

感謝主

在旅行前

排左第1次做眼科檢查

等我地去都去得安心D

 

是日

BOOKING係9:00AM

但竟然搞到成1:10PM先搞掂

(感恩的係撞到個好醫生，佢等埋我地OK先食LUNCH)

 

一去到

就排隊比左錢先

之後就去比醫生檢查

 

第1個檢查完

再去比另一個醫生再CHECK

之後

要分3段時間滴眼藥水

因太多人

滴眼藥水時已經11:00AM

滴眼藥水

對於一個小朋友黎講

係好有難度既一件事

一滴已經令昕晴喊到死去活來

 

每一次滴

要左右2邊滴2隻唔同既藥水

即每次滴4下 (2隻眼加埋)

 

叫第3次既時候

昕晴聽到自己個名

已經喊定先 (真陰公)

 

原來滴藥水

係令佢地既瞳孔放大

之後要再比醫生睇多次

先可以走人

但就係因為怕左滴眼藥水

阿囡對醫務人員已經驚驚地

最尾一見到醫生或姑娘

已經喊定先

唔比人CHECK

 

醫生話

最尾個PART係最重要

如果唔CHECK (因要昕晴望住醫生比佢照一照對眼)

咁今日所做既一切

要再排期做過

OMG

真係不斷地祈禱

 

講真

我真係唔想排過

咁唯有比佢食安眠藥

等佢SLEEP左

就可以睇到

食左安眠藥

都未必即刻訓到

但食左

阿囡就開始呆呆地

醫生就CHECK到

 

總結：

阿囡有間歇性斜視

醫生係睇我影個D相作初部評估

因當日所檢查的

屬正常範圍內

 

如果

再大D

阿囡斜視既時間有一半或以上

即每日有幾個小時都發現佢有斜視

就要做手術

 

而想做TEST

就要再等大個D先有得做

盼望

昕晴越大對眼越精靈

唔好再有斜視

否則

可能要做手術

盼望大家代禱中紀念紀念

 

相中

係昕晴回到家

累到未食完奶己訓著

真係陰公豬

大吉居酒屋@尖咀

近期要做一些"秘撈"

所以遲遲都未update個blog

台灣之旅

要搞哂手上既野先會開始寫

請大家耐心等待

 

今次為大家送上

係7月頭去食既日本放題

唔知現在還是不是這個價

 

我地個日

係食lunch時間

12:30 - 3:00 (有成2.5小時)

價錢：每位$138(另加一)

由於一路食

一路要照顧阿囡

都影得唔多

其實相片在另一部機

只係出blog日

相未到手

整體上

係坐位比較迫之外

其他都好good

各食物質數ok

都係好味的

以咁既價錢

已經算好好味

我就一次過

影哂佢地d order紙

等大家知道有乜食

講真

真係抵的

出食物出得好快

只係炸物就等耐少少

有成2.5小時任食

在尖咀黎講

價錢真係平

而如果生日

可以訂位時話比佢地聽

咁就會有個生日刺身蛋糕

雖然個日係食生日飯

但

我地令願食刺身

都唔想食埋佢刺身蛋糕下面既飯

so

最尾都無出聲

而如果係小朋友

佢地就話80-140 cm都算小朋友

小朋友價：$108 (如無記錯)

但我個囡

雖然係高過佢地指定既高度

但我在book位時話

佢2歲未夠

係bb

食唔多

咁佢自動話唔收佢錢

good good

掛住食

都無同leader影過相

leader

在此再講聲

生日快樂

每天都嘗享主恩

為主得更多的人

永遠支持你

加油

釣墨魚@鯉魚門

確實太忙了

隔了咁耐先寫BLOG

好

等我再記錄番先

 

 

10 July 2010

早上去了黃金海岸玩

晚上就約左去釣墨魚

今次我地參加既

係人地d乜乜黨搞既社區活動

 

費用為$155

已包一餐晚餐+釣墨魚

咁既價錢

確實抵到出面搵唔到

 

無諗過

阿囡早上玩完

在車上訓了一覺

都可以咁精神

個餐晚飯

雖然早左少少食

但真係無欺場

d野都好好味架

 

7餸1湯

個日最開心既

係見到昕晴好主動

學我地咁渣筷子

佢真係食到飯架

咁我唔使買學習筷子啦

呵呵呵

食完

就hea左陣

個陣大約6點

但個天色

都係超靚

超藍天白雲

上到船

就一定要揹番阿囡

因怕佢失驚無神

中左落海

thx GOD

D天氣超正

I LIKE IT

隻船要等天黑

先可以開燈釣墨魚的

咁未黑時

就狂影相

而全程

我只係影相有攞個個工具

之後

我都係坐享其成

 

揹住阿囡

坐係度

望住夜空

聽下詩歌

超正超舒服

又有海風

又多星星

好耐無試過啦

全團人

釣左都好多隻

但由於我地釣過左時間

所以無係船上即釣即食

不過我地都無所謂

今次參加活動

志在與弟兄們相聚

一齊玩下

傾下計

仲要食到餐咁豐富既晚餐

真係好抵

黎緊

我地就開始台灣之旅啦

今個星期五至日

大家就見唔到我地架啦

回來再見

小公主相聚@黃金海岸

10 July 2010

由於之前去唔到

今天再度相約好友們

一齊去黃金海岸玩沙

感謝神

為我們預備最好的天氣

藍天白雲

雖然係熱到c左

但無左小公主們既興致

今次我地仲多了一位主角

就係熙怡表姐

Jess小姐 (當然唔係外國bb啦)

可能第1次見面

有少少生保

但見多幾次就熟架啦

開頭

除了欣庭

小朋友們都好驚沙

唔敢落地

好在欣庭幫手

我個囡先肯一齊落沙玩

但開初都要由daddy捉實

玩玩下

已經唔怕了

昕晴今天所穿的

係咪好sexy呢

都係人地送的

謝謝溢意姐姐、美人姐姐

外面確實太曬了

一定要入番帳幕內玩

否則

搽幾多防曬

太陽油都唔掂

也謝謝各位提供的沙灘玩具

雖然有爭野玩的時候

但大家都玩得好開心

昕晴一唔怕

就好專心咁玩

好多相都係"dum"哂頭

玩沙中的

欣庭d頭髮

已經可以束起了

唔知我個囡

幾時先可以呢？

呵呵呵

熙怡好乖

叫佢乖乖同我影相

佢就企定定

good girl

欣庭都超乖

叫佢同我影相

就乖乖就範

超難影既全家幅

因阿囡成日都唔望鏡頭

這張已算最好了

thx 熙怡媽

佢地真係好搞笑

玩玩下沙

都可以來個擁抱

真係好可愛呀

最感恩的

係我地幾家人

差唔多可以霸哂成個帳幕

因為無帳幕的話

真係玩半小時已頂唔住了

 

帳幕內仲有chair

比我地放野

可能我地早去

所以未有咁多人同我地爭

阿囡玩緊

強迫熙怡媽

幫我地影下無聊相

嘻嘻嘻

欣庭都好大擔

表演左一幕

騎chair比我地睇

仲要揪來揪去

真係好活力

好愛這幾張相

陽光底下影的

係特別靚

又係好難影既全體照

最橋的

原來熙怡同昕晴既cap

係一模一樣架

呵呵呵

估唔到同熙怡媽咁有品味的

之前已經撞衫

估唔到連cap都會撞埋一樣

玩到咁上下

差唔多12點

係時候要走了

因太陽開始猛烈

 

阿囡唔知搞乜

成日要拖人地

無論上次的熙熙

今次的Jess

一定要拖到為止

佢仲要行行下

發老脾

大家終於見到佢既惡女上身了

希望唔好嚇親大家

哈哈哈

4位小朋友

見到隻龜龜

原來係咁興奮的

之後

我地3家人(欣庭要同公公食lunch)

就去左商場個邊食埋lunch先走

個度有間茶餐廳FEEL既野

算最抵的

 

但太熱

又要照顧阿囡

乜都無影到

 

個間野

係M記後面

佢既LUNCH SET

都係$30左右

比起其他

已算係好平好平了

 

如果大家入開黃金海岸

都可以試下