生日之旅@黃金海岸part 2

享受完美味的蛋糕後，我地就到海灘附近散步，好relax地拍下拖，其實自從有左個囡之後，已經無乜幾可可以咁樣hea法

不過個度都比較大風，搞到昕晴咁既樣，呵呵呵

沿途的景色，真係好耐無去過黃金海岸了，以前去，都係同弟兄姊妹一齊安靜，個度環境舒服，對住個海，真係好爽架

由於早上食了buffet，之後又食左個蛋糕，所以等到下午茶先再食，咁我地就去左黃金廣場個邊M記，入到室內，無風吹住昕晴，終於笑番

星期六關係，唔算太多人，BUT昕晴一路影相，一路唔望鏡頭，比佢激死

食完tea，就返去酒店影埋我地未影既地方，但.................估唔到咁早就有人行禮，所以有d地方我地就無影到啦，阿依，我終於明白點解你要係個度擺酒啦，因真係好有外國feel，好靚呀

而我地就好似同d新娘子爭地方影相，佢地都有去我地影既地方，這個南瓜車，夜晚開左燈會靚好多，白天影，就爭dd

其實這張相我地係預較十秒影的，但就影埋人地個新娘子，最搞野既係見到佢望住我地個鏡頭，真係pro

好開心好滿足的2日1夜行程，雖然這個價錢可以去到澳門，但第一次，唔想走得太遠，怕昕晴唔習慣，不過經過這次，我地會再計劃下一個旅程(不久的將來)，最好等阿囡可以食到大人野而又識行既時候，帶佢去邊都無所謂了

生日之旅@黃金海岸part 1

2月20號係老公生日，平時死慳死低既我，由於新年個陣賺到dd錢，就豪左一次咁多啦，為老公預備左這個生日之旅

選了又選，終於早一日決定book這裡，因為唔想離開昕晴，所以帶埋佢一齊去，咁就唔去得太遠，而我只係話左比老公知，我book左個度既自助餐，當check in時，老公真係好驚喜 ^^

黃金海岸係一個好有旅行feel既地方，感受自己真係好似去左外地旅行咁，而最開心既係check out時間可以延長至第二日既6:00

入住係一間豪華海景露台客房，這張床瞓到我地3個有餘，今次真係一個好舒服好relax的旅程啊

我地住的係6樓，按有露台計，係我地個邊，好似係最高的，一望無際的海景，令人身心舒暢

睇下昕晴，超開心，開頭我仲擔心佢瞓唔慣陌生床，點知.................

原來佢係好enjoy去旅行架，一d唔習慣都無呀

由於我買既優惠package係包一位自助餐晚餐，咁順理成章就去個度食埋，睇openrice見d人話戶外既野係最好味的，戶外就係bbq風味啊，環境唔錯

食野時要照顧阿囡，所以影左超少相，我地覺得最好味既係羊扒，之後就係天婦羅，其他的就一般ok

其實佢地既款色唔少，但味道就係一般啦，如果唔係佢送一位免費，我估我地未必會在這裡食，因為行番出去，都有好多野可以選擇

由於食完晚餐都好夜，咁就同昕晴回房影相同hea下

睇佢幾開心，咁第時就可以帶佢周圍去啦，yeah

第2日瞓到咁上下，就落去食免費早餐，早餐依然係一d好普通既野，全場係個粥最好味，而這個煎蛋，真係有個廚師係度幫你煮，其他食物就唔係話好熱咁囉，不過周圍大部份都係外國人，環境就似自身於外國咁，呵呵

食飽飽，上番去影下相，hea下，等太陽無咁勁，先再落去行，費事曬黑呀ma

查實當日既天色就唔係好藍，好在無落雨，不過就好大風

而我特登幫昕晴帶多少少衫，等佢可以影下唔同既靚相

超愛這張熊貓look

係咪好可愛呢

衰豬成日食手指

休息完一輪，就食由酒店送既birthday cake

有埋生果，好健康架，個cake都好味道，好滿足啊

行程待續...................

出牙仔2

又多一隻啦，現在昕晴有2隻牙仔啦，但有第2隻開始，唔知係咪2隻一齊痕，所以就比較"炆"，口水都多左

家陣真係睇少陣都唔得，事關佢既反身技術熟練左，話反就反，好在未識爬，否則，到時連去廁所既時間都無乜，因佢隨時會跌落地整親

你地睇，第2隻啦，YEAH

因為口痕，所以成日"咪"咀

反身連橫拍，話咁快就反左，媽咪睇少陣都唔得呀，呵呵

家陣表情多多，氹到大家好開心 ^^